• [javascript protected email address]

Radyo VKM an dirèk

Charlot

Lendi 25 novanb 2019 charlot Jeudy lidè enfliyan mouvman nasyonal LGBT nan Ayiti mouri byen bonè lakay li nan Vivy Michel you katye nan komin Petion ville. Jiskounye a pa genyen pyès presizyon sou koz lanmò sa.

Selon près kapzynews.com youn nan pwòch viktim lan ta rapòte se leve yo leve jwenn li granp tibonè mouri nan kabann li. Yo jwenn twalèt osinon kaka sou kabann kote li kouche a.

Konsa gen lòt enfòmasyon ki ta fè kwè yo jwenn kèk mak osinon grafiyen nan kou li.

Pou kounye a li rete pou enstans konsène yo ta kapab mennen bon jan ankèt pou fè limyè sou kadav la.

Kouraj youn nan mouvman dyanm k ap defann dwa LGBT yo e, defen Charlot se Prezidan ekzekitif li, deside pran nan chaj optopsi kadav la. Se toujou selon sous kapzynews.com lan.

Nan moman sa nou pako gen enfòmasyon moun lajistis ak lapolis ta arète osinon tande nan kad ankèt.

Ami ami anvan kouraj se premye gwoup kote Charlot Jeudy te kòmanse leve vwa l pou defann dwa omoseksyèl yo. Ami ami pwan lavi (egziste) nan 2010, li t ap fonksyone anbachal osinon ankachèt.

Se nan kouraj, eke, Charlot se youn nan fondatè li a ki pran nesans nan 2011, e, se la Chalot pral plis dedouble, pwal pi popilè nan zafè pou dwa masisi, lesbyèn.

Avèk detèminasyon li, depi lè sa, Charlot entènasyonal la tankou: AJWS, Equitas, Front line defenders, UE pou nou site sa senpleman pral kòmanse mete ansanm ak li pou bay plis fòs mouvman pou defann dwa LGBT yo.

Epi se konsa tou depi Charlot ansanm ak kouraj kòmanse leve vwa yo piblikman pou dwa 5m (LGBT) yo, li ak kouraj pa sipann sib menas osinon agresyon omofòb jis nan dat Charlot pèdi lavi li an, kote popilasyon an ap tann prese prese eksplikasyon otorite yo sou lanmò sa.

Lajistis Ayisyèn fwa sa èske li pral fè swivi sou lanmò Charlot Jeudy ke mond lan konnen kòm masisi ? Nou ta kapab gade tou èske leta Ayisyen respekte dwa kominote 5m yo kounye a pou li ta fè limyè sou lanmò sa ?

Se pa jodi a kominote sa genyen manm yo k ap pèdi lavi yo swa nan kondisyon sa, oubyen you lòt fason ki ta mande ankèt pou eklere antèn sosyete a, e otorite yo rete san fè anyen pou di men sa ki pase.

Nan menm demach pou konnen ki jan Charlot fè mouri genyen kèk òganizasyon dwa moun andeyò dirijan leta a ki kòmanse ak ankèt yo.

Lanmò Jeudy a souke kominote 5m lan ( LGBT) a plis you bon pati moun nan peyi an tankou nan etranje avèk anpil sezizman ( dlo nan je, rèl). You pòsyon nan yo pa ka kwè se vre Charlot mouri.

Yo okipe espas whatsapp/facebook depi lè a pou anonse, reflechi, analize lanmò sa.

Charlot Jeudy li se masisi ki envante 5 m lan ki kolmate nan langaj Ayisyen. Ki defini : masisi, monkonpè, makomè, madivin, miks. (m,m,m,m,m)

Jean Claudy Aristil

Ajouter un Commentaire


Code de sécurité
Rafraîchir

OPEN

Wednesday - December 11, 2019

Weather: -273°C

Kiyès ki sou sit la

Nous avons 154 invités et aucun membre en ligne

Podcast radio vkm

 

Rechèch