• [javascript protected email address]

Radyo VKM an dirèk

Pierre Ezechiel Vaval dwayen tribinal sivil Okay la di: gen anviwon 3 endividi ki kraze kèk vit nan machin leta ki nan sèvis tribinal lan ak kout wòch. Se apati yon mesaj li pibliye sou kont whatsapp li byen bonè lendi 4 novanm 2019 lan.

Dwayen an fè konnen li pat nan machin lan lè ensidan sa pwodwi vandredi 1novanm lan. E konsa, li tou demanti koze k ap sikile kòmkwa dire yo ta maltrete li ak pwan zam li.

Li remèsye tout moun ki sipòte li nan sa k rive a.

Kèk lòt moun nan popilasyon an ta fè remake: se nan moman manifestasyon vandredi a kont Prezidan Jovenel Moïse genyen kèk manifestan ki anvayi machin sa ki t ap sikile. E se sou entèvansyon lòt manifestan ki fè sa pa pi grav.

Gwoup manifestan ki atake machin lan, yo ta repwoche dwayen an poutèt li te mete disponib tribinal la pou prestasyon Serge Chery kòm delege sid dAyiti nan semenn pase yo.

Li enpòtan pou nou sonje nan premye randevou pou prestasyon sèman delege Serge opozisyon Okay lan te anpeche, dwayen an te fè apèl a jij depè pou konsta legal anvan li fèmen pòt tribinal lan.

E dwayen an ta menm resevwa nan jou ki sot pase la yo, you lèt ki soti bò kote Konsèy Sipeyè Pouvwa Jidisyè (CSPJ). Pou li voye bay yo you rapò sou evenman Serge lan nan tribinal la.

Prestasyon sèman Serge Chery ki te vin fèt nan lòt semenn nan tribinal lan genyen bri k ap kouri ki fè kwè se avèk presyon otorite pouvwa Jovenel Moïse lan pran espas tribinal lan.

Kouman sa kapab vin miyò pou popilasyon Okay lan nan kriz peyi a depi you bon bout tan?

 

Jean Claudy Aristil.

Ajouter un Commentaire


Code de sécurité
Rafraîchir

OPEN

Friday - November 15, 2019

Weather: -273°C

Kiyès ki sou sit la

Nous avons 51 invités et aucun membre en ligne

Podcast radio vkm

 

Rechèch