• [javascript protected email address]

Radyo VKM an dirèk

haitip

Politik Etazini toujou nan lojik kore leta koupyon oubyen gouvènman reyaksyonè machann peyi pou zafè pèsonèl li.

Aksyon Gouvènman Jovenel Moïse depi lè li monte nan pouvwa a kontinye pa reprezante okenn menas pou dominasyon leta Meriken sou pèp Ayisyen.

Youn nan pi gwo jès prezidan Jovenel pral fè bay prezidan Trump pou li pwouve sa. Se lè li asepte sou rekòmandasyon Tonton Sam (prezidan Etazini) vote pou envazyon ( pou militè etranje anvayi) Venezuela. Nan lè asanble jeneral OEA nan 11 septanm 2019 lan.

Prezidan Jovenel voye nan kwen tout bon relasyon kanmarad, zanmitay pèp Venezyelyen genyen ak pèp Ayisyen an depi anviwon 2 syèk la. Pou l ka kontinye jwe wòl restavèk leta kolon Etazinyen an nan poze zak malonèt sa.

Prezidan Venezuela a Nicolás Madura li menm, li aji nan dezavantaj leta meriken. Kesyon li asepte swiv ak ranfòse demach ansyen prezidan Hugo Chavez ki se pwojè Revolisyon Bolivayèn nan. Gwo zotobre Etazinyen yo pa byen wè koze sa. Se youn nan pi gwo souflèt prezidan Trump ap soufri depi lè li antre nan mezon blanch lan.

Ki donk depi prezidan Maduro rive nan pouvwa li diminye pi plis dap piyanp Etazini sou Venezuela. E ranfòse relasyon l ak kèk lòt peyi tankou Kiba, Larisi, Lachin, Liran.

Konsa tou pèmèt antrepriz piblik yo antre pi plis nan jesyon byen peyi a, tankou petwòl lan nan plas antrepriz miltinasyonal yo, pi presizeman Etazini.

Nan kad kriz Venezuela ki se you lese frape ant opozisyon ak gouvènman an. Prezidan Donald Trump anvizaje you debakman militè pou retire prezidan Nicolás Maduro nan pouvwa a.

Nan Ayiti a, kote gouvènman ap troke kòn ak opozisyon an. Prezidan Trump di Ayiti se you peyi de mèd, yo pa pral envesti enèji yo pou sa. Yo mèt degaje yo jan yo konnen.

Kopòtman prezidan Donald Trump nan tout 2 kriz yo pa senp. Se youn nan rezon li genyen you sèl konpòtman ki se defann enterè ameriken andan tou 2 peyi sa yo ak lidè k ap mache nan lojik yo.

Kalkil Etazini fè: Nan Venezuela Maduro retire nou sou li, fòk nou louvri je nou pou n kwape li.

Nan Ayiti Jovenel koube li pi plis anba nou, fòk nou fèmen je nou toutotan li kapab kontinye fè rezistans pou li kenbe pouvwa li.

Ki donk: Nan silans gen aji, nan aji gen silans. Bagay yo pa piti. Mèt Kò Veye Kò.

 

Jean Claudy Aristil

Ajouter un Commentaire


Code de sécurité
Rafraîchir

OPEN

Wednesday - December 11, 2019

Weather: -273°C

Kiyès ki sou sit la

Nous avons 165 invités et aucun membre en ligne

Podcast radio vkm

 

Rechèch