• [javascript protected email address]

Radyo VKM an dirèk

notplizyeong

Noumenm òganizasyon konsekan ki siyen nòt tèt ansanm sa a, nou wete chapo nou byen ba devan popilasyon an nan kat kwen peyi a ak nan dyaspora ki toujou kenbe flanbo mobilizasyon an byen wo pou mande depa rejim mafya PHTK a ak sistèm pezesouse a. Konbit, CNOHA, MOLEGHAF ak MDS pwofite okazyon sa a pou n pataje senpati nou ak tout viktim ak fanmi viktim zak vyolans pouvwa kriminèl, konwonpi PHTK a, patikilyèman militan ak jounalis ki viktim nan egjèsis travay yo.

Nan dènye diskou preyidan enkilpe a fè nan dat 15 oktòb la menm jou enstalasyon nouvo fòs okipasyon Nasyonzini an (BINUH1), li rekonèt aklè li echwe. Prezidan enkilpe a pito kontinye rele mèsenè pou asasinen pèp la epi akize menm sistèm ki te mete l sou pouvwa a olye li demisyone. Enkilpe a bliye si se enperyalis meriken, patwon sistèm pezesouse a ak boujwazi kontrebandye a ki te mete l sou pouvwa a ak yon KEP san kolòn vètebral. Jounen jodi a ankò, se ti ponyen boujwa sa yo ak CORE GROUP la ak patwon sistèm nan ki kanpe ankwa anfas popilasyon an k ap mande depa rejim PHTK a kòm premye pa pou kaba ak sistèm pezesouse konwonpi a. Konbit, CNOHA, MOLEGHAF ak MDS voye jete nan poubèl fatra, nouvo fòs okipasyon Nasyonzini an (BINUH) ki enstale nan peyi a 15 oktòb ki sot pase a. Nou mande pou fòs okipasyon sa a kite peyi a san pèdi tan epi pou Nasyonzini pran bonjan mezi pou dedomaje viktim kolera yo. Nou kondane ak tout fòs nou tou, demand enkilpe Jovenel Moise fè pou mande entèvansyon militè ameriken nan peyi a sou kouvèti imanitè.

Pou tout rezon sa yo, nou mande tout popilasyon an nan kat kwen peyi ak nan dyaspora a pou nou pote kole nan tout mobilizasyon k ap fèt pandan wikenn nan. N ap pote kole tou nan kokenn chenn mobilizasyon sendika anseyan yo lanse pou lendi 21 oktòb k ap derape devan Lise Jènfi ak mobilizasyon divès òganizasyon pwogresis lanse pou mèkredi 23, pou fè solidarite ak jounalis, fanmi jounalis viktim yo ak tout lòt moun ki viktim anba grif bandi PHTK yo. Fòk Jovenel ale pou lekòl la relouvri epi pou lavi reprann nan peyi a.

 

Pou Oganizasyon yo

Konbit Oganizasyon Politik, Sendikal ak Popilè yo : Josué Mérilien

Centrale Nationale des Ouvriers Haïtiens (CNOHA) : Dominique St Eloi

Mouvement de Liberté, D’Egalité des Haitiens pour La Fraternité (MOLEGHAF) : David Oxygène

Mouvman Deboulonnen Sistèm (MDS) : Arius Louima

Ajouter un Commentaire


Code de sécurité
Rafraîchir

OPEN

Friday - November 15, 2019

Weather: -273°C

Kiyès ki sou sit la

Nous avons 45 invités et aucun membre en ligne

Podcast radio vkm

 

Rechèch