• [javascript protected email address]

Radyo VKM an dirèk

manifokay

Malerèz/malere twouve sou bit kalfou tenten nan kriz Ayiti ap travèse nan dènye tan.

Nan mete ansanm pou voye prezidan Jovenel ale a, li parèt tout voum se do.

Jounen jodi a ti boujwa k ap chache gen pouvwa nenpòt kòman mete pèp ki pi mal lan menm kote ak ènmi, bouwo li yo nan gwoumen kont pouvwa anplas lan.

Ke ou te frap, makout, boujwa, depi ou deklare fòk Jovenel Moïse ale ou deja byen rive nan mitan sa ki pi mal yo nan batay lan. Se konsa tandans lan ye.

Jodi a pa genyen prèske avangadis pèp lan k ap leve vwa yo pou denonse bagay bouyi vide sa. Pou di li pa nòmal pou pèp la menm kote ak ènmi, bowou li ap batay. Pou di yo fè atansyon wout sa se danje, li chaje ak pikan kwenna.

Jodi a avangadis yo li sanble se yo ki pòt pawòl ènmi plis bouwo pèp la, nan fè sikilè koze y ap di sou kouman yo vle tou pou Jovenel ale.

Li parèt pou avangadis yo se you viktwa pou yo pou tèt kèk zotobre nan legliz, kèk boujwa, kèk pouchis, mande depa Jovenel. San janm bliye yo tout se ènmi malerèz/malere yo, menm jan ak prezidan Moïse.

San janm bliye lane 86, 2004, 2016 yo te genyen menm pozisyon sa.

Yo toujou jwe konsa chak fwa bagay la vle gate pou yo ka reparèt pi devan.

Avangadis yo pou you enterè pèp la pa konnen vle bliye kiyès ki legliz la, ki boujwa yo ( Réginald Boulos ), ki frap ( Louis-Jodel Chamblain )

Nou panse moman pandan pèp lan nan lari a, se ta plis okazyon pou avangadis yo ta kontinye esplike moun yo pi byen kiyès ki lènmi sa yo ki nan lantouray yo nan batay sa. Anplis prekosyon yo dwe pran avèk yo.

E se pou anpeche pèp lan konprann ènmi li yo, yo pa dwe pran yo kòm sovè yo nan kriz ki gen la.

Lagè avèti pa p toute kokobe.

Jean Claudy Aristil.

Ajouter un Commentaire


Code de sécurité
Rafraîchir

OPEN

Friday - November 15, 2019

Weather: -273°C

Kiyès ki sou sit la

Nous avons 47 invités et aucun membre en ligne

Podcast radio vkm

 

Rechèch