• [javascript protected email address]

Radyo VKM an dirèk

ayiti kriz

Pouvwa toujou rete pouvwa boujwa yo nan kriz Ayiti ye la.

Politisyen raketè ak tiboujwa ap fè tèt lakribit nan moman sa, pou tire afè nan mitan boujwa yo ki nan konfli pou plis privilèj.

Se laboujwazi k ap deside kouman otorite leta koupyon yo dwe abòde kriz lan.

Se laboujwazi k ap di sektè demokratik tradisyonèl ak ti boujwa woulem debò ki jan yo dwe dirije osinon oyante mouvman lari a.

Moun k ap finanse a se li ki kòmande.

Se vre ka gen pouvwa nan lari a. Sa pa vle di pou otan otorite nan leta a pouvwa yo tonbe nèt.

Men li enpòtan pou nou konnen ni pouvwa ki nan lari a ni pouvwa ki nan aparèy leta se nan men boujwa yo.

Li pa nan men malerèz/malere yo, jan kèk moun pandan kriz lan nan dènye jou sa yo ap fè pawòl sa parèt la. Kòm kwadire si pouvwa nan lari a se nan men eksplwate yo li ye.

An reyalite sesa li ta sipoze ye.

Sa ki anbetan batay eksplwate yo pako òganize nan sans sa pou ranmase pouvwa a.

Kote batay sa ta kapab genyen you baz ki chita sou estrikti ak idewoloji ki ta mete yo anpozisyon pou yo antre nan rapò defòs yo.

Omwen yo ta espere trennen bagay la sou bò pa yo. E menm rive pran devan tout lòt yo.

Avèk sa nou t ap gen espwa you jou y ap sispan jwe wol pon tout wilibè ak reyaksyonè chak fwa kriz sistèm lan osinon leta ap reparèt.

Sa ki gen soutèren an la se tout kalite moun melanje. Ni sa ki pou eksplatasyon, ak enjistis kaba. Ni sa ki toujou ap kenbe/kore sosyete ak fòs kote a.

Kòm nou te deja di li nan paragraf avan yo mouvman ki nan lari a se pa sa ki pi mal yo k ap bal oyantasyon.

Tou senpleman lojik mete ansanm lan fèt sou depa prezidan an ( Jovenel Moïse ). Jan sa konn abitye fèt deja.

Nan tout verite li pa plis pase sa.

Rezilta se toujou laboujwazi, politichyen, plis kèk ti boujwa ki jwenn oubyen vin genyen plis privilèj nan peyi a. Kote yo kotinye kenbe leta k ap souse San pi fò popilasyon an.

Malerèz/malere yo kontinye ap mouri nan mizè.

Se pou nou di chodyè k ap bouyi la li p ap bouyi sou bò pa moun ki pi mal yo.

Pi bonè se granm maten pou nou soti nan tout ilizyon ak fo pa nou ladann lan. Nou menm ki di n ap lite pou sa chanje pou pòv yo.

 

Jean Claudy Aristil

Ajouter un Commentaire


Code de sécurité
Rafraîchir

OPEN

Wednesday - December 11, 2019

Weather: -273°C

Kiyès ki sou sit la

Nous avons 173 invités et aucun membre en ligne

Podcast radio vkm

 

Rechèch