• [javascript protected email address]

Radyo VKM an dirèk

okayteks

Faz lòk peyi a depi dawou tonbe oktòb 2019 la plonje Okay nan you kriz imanitè tout longè. Moun yo nan difikilte pi malouk pou jwenn: manje, dlo potab, swen sante nan lopital, medikaman nan famasi, elektrisite osinon enèji lakay yo. Timoun, tankou jèn lage san lekòl/inivèsite. Granmoun yo menm rete san travay. Popilasyon an nan difikilte pou sikile akoz wout yo ki anba barikad. Enstitisyon piblik kou prive pa fonksyone. Komès plis transpò paralize nan dènye degre li. E san espwa pou sèvis desekou yo, osinon sèvis dijans yo rive annèd yo.

Sèl bagay ki fonksyone se manifestasyon nan lari pou mande Prezidan Jovenel kite pouvwa. Ak lapolis k ap simen gaz lakrimojèn, bal pou kraze leve kanpe endividi yo.

Konsa plizyè mezon komès piye, enstitisyon piblik, mwatye prive vandalize
( Sant mwatye granmoun dAyiti (EDH), Lekòl Mè Ekstèna Sen Joseph Okay, avan Pòs Polis Bèjo, Pòs Polis Kat Chemen), kèk moun ansasinen anba bal osinon manchèt/kouto.

Sa ou tande la, laperèz blayi, depi 8 tè aswè mete pye, moun yo antre nan nich yo, lari a blanch kou koton Vil Okay nan detrès san moun yo janm konnen ki kote sa ap trennen yo. Yo pa gen rele, yo pa gen reponn, se rete la tann sa k ap vini pou yo a.

Rèl, wondondon, machwè gonfle you seri moun pou fè santi yo pa kapab sipòte ankò, doulè a rèd, chay la lou yo bouke.

Sa k ap deside nan dènye moman sa yo, li ta sanble antre nan demach estrateji opozisyon an, fòk se lòk pou peyi a lòk nèt alkole, pa gen anyen k ap mache jis rive nan moman prezidan an kraze you kite sa.

Epi ekip Jovenel la estrateji pa li an, se kite bagay yo anflimen jistan popilasyon an santi li pa ka rale souf ankò. espere l ap reprann tout aktivite yo pou kont pa yo. Moun yo kapab menm vire do yo bay opozisyon an.

Li rete pou konnen ki jan bagay sa dwe regle pou tout moun nan popilasyon an jwenn you lavi nòmal. You lavi nan tout egalite, san fòs kote.

 

Jean Claudy Aristil

Ajouter un Commentaire


Code de sécurité
Rafraîchir

OPEN

Thursday - October 17, 2019

Weather: -273°C

Kiyès ki sou sit la

Nous avons 44 invités et aucun membre en ligne

Podcast radio vkm

 

Rechèch