• [javascript protected email address]

Radyo VKM an dirèk

manifokay

Popilasyon Okay lan akize lapolis ki asasinen 2 moun ak bal lakay yo. Se Mervins Elisma 6 lane you katouch fouye vant li ak Tarnia Dorcé you jèn dam you plon pèse ponyèt li.

Fanmiy tou 2 moun sa yo kouri al chache swen nan lopital jeneral Okay.

Ti gason an se prese antre nan sal operasyon ak li. Lopital la nan difikilte pou jwenn san pou operasyon an fèt.

Tarnia nan demach pou fè radyografi, ta sanble bal lan pa rete nan bra a.

Ensidan sa rive nan entèvansyon lapolis fè nan ri 3 Frè Rigo nan savann pou gaye you foul moun ak anpeche yo manifeste kont pouvwa Jovenel Moïse lan.

Sa pase bò midi madi 17 septanm 2019 lan.

Jis kounye a pako gen pyès otorite ki bay kont sou moun ki viktim yo.

Lalwa andan kou deyò leta dAyiti angaje l. Li di tout moun gen dwa manifeste pou sa yo dakò, kont sa ki fè yo soufri selon prensip ki tabli pou sa.

Konsa tou yo pa dwe sibi pèsekisyon osinon vyolans anba men otorite yo pou sa.

Sa ta vle di viktim ak paran viktim yo ap tann dedomajman ak pinisyon bouwo yo nan men otorite lajistis nan Okay pou zak yo sibi nan sans sa.

Sitiyasyon panik sa komin Okay ladann depi kèk jou an, paralize aktivite madi sa prèske menm jan ak kèk lòt jou pase yo.

 

Jean Claudy Aristil

Ajouter un Commentaire


Code de sécurité
Rafraîchir

OPEN

Thursday - October 17, 2019

Weather: -273°C

Kiyès ki sou sit la

Nous avons 71 invités et aucun membre en ligne

Podcast radio vkm

 

Rechèch