unnamed

Arnel Joseph prezime chèf gang matisan lapolis nasyonal sid dAyiti arete li bò 6zè apremidi lendi 22 jiyè 2019 nan lopital bònfen Okay. Se sa youn nan responsab komisarya Okay la pa telefòn kominike radyo Vwa Klodi Mizo (VKM).

San pèdi tan Lapolis sou wout pou rive avèk li nan pòtopwens kapital dAyiti.

Selon responsab lan Arnel se swen pye dwat li ki nan movèzeta li ta l pran.

Nou sonje depi kèk semenn gen popilasyon latibonit lan ki te anonse Arnel Joseph te pran you bal nan pye dwat sa. E se te nan kad afrontman ki te genyen ant gang Arnel la ak you lòt gang nan depatman sa.

Lajistis gen pou fè swivi pou fè limyè sou tout zak yo ta repwoche Arnel Joseph. E tout aksyon lapolis ak lajistis ap poze nan ka sa dwe chita sou prensip fondamantal dwa moun.Ki donk respè lavi, diyite, entegrite, egalite.

Jean Claudy Aristil.