• [javascript protected email address]

Radyo VKM an dirèk

PHOTO 2019 06 24 11 55 12

Anviwon 8 sant egzamen radyo Vwa Klodi Mizo (VKM) vizite soti 9vè pou rive 10zè epik maten lendi 24 jen 2019 la dewoule san okenn domaj.

Egzamen an kòmanse nan lè yo anvizaje a ki se 9vè maten. Kantite kandida ki sipoze pase tèks la plis pase pifò prezan. Lapolis la nan sant yo pou asire sekirite espas yo. E genyen kèk paran ki la devan etablisman kèk sant ap tann kandida pa yo a lè yo fin konpoze pou akonpaye yo pou retounen lakay.

Direktè depatemantal sid Ministè Edikasyon Nasyonal Ak Fòmasyon pwofesyonèl (MENFP) fè nou konnen pa telefòn tout 44 sant egzamen ofisyèl pou elèv 9vyèm lane fondamantal yo ap dewoule apati moman sa byen.

Selon kèk responsab sant egzamen 2 o 3 kandida ta rive aprè 9vè se ti kòb lan yo pat ko bay direksyon lekòl yo pou yo ta jwenn fich egzamen an anvan.

Nan moman egzamen an kòmanse pou maten 1er jou an, komin Okay lan kalm. Tout aktivite reprann. Sof byen bonè nan maten genyen enfòmasyon k ap sikile genyen 5 jèn gason ta pran bal sou debakman lapolis ta fè nan kalfou bwaye.

Enfòmasyon sa jis kounye a nou pa rive konfime l.

Lopital Jeneral Okay nou kontakte sou sa di: yo pa genyen okenn pasyan ki blese avèk bal ki vin dèyè swen maten lendi a. Konsa tou komisarya Okay la nou kontakte sou menm koze sa nan lè maten an, ta fè konnen yo pa konnen pawòl sa. Men kèk anplwaye lopital jeneral ta fè n konnen genyen you bakòp lapolis ki te vin mande yo pou 5 moun sa yo yo di ki pran bal lan byen bonè maten an.

Youn nan antèn nou nan komin lan di nou moun sa yo ki pran bal  maten lendi an nan kalfou bwaye a se lòt bò renaud y ap viv. Se you lokalite ki tou prè anba veritab. Se rivyè laravin lan ki separe yo. Daprè li moun yo ki ta blese ak bal lan ta sanble se you depite nan depatman an ki moute pòtopwens ak yo.

Opozisyon nan sid ta fè bèk atè jis nan lè sa pou jan li t ap eseye mobilize popilasyon an pou fè konnen y ap bloke egzamen ofisyèl lan. Se toujou nan demach pou voye prezidan Jovenel Moïse ale. Sipriz sèke pesonn moun pa wè kote Opozisyon an pase nan moman dewoulman egzamen an.

Sèl bagay nou konstate genyen pousyè kawouchou byen fre nan kalfou bwaye maten an. Ta sanble kawouchou sa yo t ap boule anvanjou lendi a. E konsa tou nou konstate nan you kwen nan savann Okay lan gen dife nan you kawouchou ki patko fin tiye nèt.

Jan sitiyasyon ye pou kounye a li bay espwa pou bagay yo rete poze pou rès jounen an e menm pou jou k ap vini yo.

Extrè video :

 

Jean Claudy Aristil

Ajouter un Commentaire


Code de sécurité
Rafraîchir

OPEN

Wednesday - May 27, 2020

Weather: -273°C

Kiyès ki sou sit la

Nous avons 198 invités et aucun membre en ligne

Podcast radio vkm

 

Rechèch