• [javascript protected email address]

Radyo VKM an dirèk

image 7 Fev

Konbit Oganizasyon Politik, Sendikal ak Popilè yo wete chapo li devan kouraj popilasyon an ki pran lari a an mas pou eksprime kòlè li nan kat kwen peyi a kont grangou, lavichè, manti, kòripsyon ak konwonpi. Konbit la mande tout popilasyon an, kontinye kenbe mobilizasyon an nan kat kwen peyi a. Kanpe dèyè barikad nou.

Konbit Oganizasyon Politik, Sendikal ak Popilè yo denonse ak tout fòs li zak represyon Jovenel Moise voye yon gwoup kriminèl nan lapolis al fè sou popilasyon an nan divès depatman nan peyi a. Soti 7 pou rive 8 fevriye, gen plizyè konpatriyòt Jovenel fè asasinen nan Plato Santral ak Gonayiv. Plizyè militan deja jwenn arestasyon yo nan plizyè depatman nan peyi a epi plizyè lòt blese. Jodi 8 fevriye a nan delma, lapolis kraze moto plizyè marele k ap mobilize nan lari a kont Jovenel ak Petwovòlò parèy li yo.

Douvan sitiyasyon malouk sa a k ap devlope a, Konbit Oganizasyon Politik, Sendikal ak Popilè yo mande:

  1. Pou popilasyon an kontinye mobilize, bloke anwo, bloke anba pou fòse Jovenel Moise ak akolit li yo kite kite pouvwa a san pèdi tan
  2. Kenbe mobilizasyon an pou anpeche Kò Gwoup ak anbasad yo enpoze moun yo vle nan tèt peyi a epi tabli nan peyi a yon pouvwa tranzisyon popilè
  3. Pou lapolis sispann zak represyon l ap fè sou popilasyon an
  4. Liberasyon san pèdi tan tout moun lapolis arete yo

Pou Konbit la

Josué Mérilien

Jean Paul Bastien

Guy Numa

 Sous image le mèdiateur

Ajouter un Commentaire


Code de sécurité
Rafraîchir

OPEN

Saturday - June 15, 2019

Weather: -273°C

Kiyès ki sou sit la

Nous avons 192 invités et aucun membre en ligne

Podcast radio vkm

 

Rechèch