• [javascript protected email address]

Radyo VKM an dirèk

Manif foto atik

Lapolis do kole, zam nan men ap simaye gaz lakrimojèn nan moman yo pran nan you atrap kròk nan janm ak you lapli kout wòch. E you lòt bò you seri manifestan doba anba gaz lagrimojèn e kèk lòt kraze rak pou yo pa sikonbe anba gaz. Manifestasyon depatya nan miyèt mòso. Se nan wout kat chemen zòn pon sant bò1nè aprèmidi sa pase. Se sa radyo Vwa Klodi Mizo (VKM) wè vandredi 8 fevriye 2019 lan.

Sitiyasyon sa rive nan moman lapolis entèveni pou anpeche manifestan yo pase nan pakou yo vle. Konsa manifestan yo t ap chache twouble vijilans lapolis pou yo pran wout k ap mennen yo nan deksya ak boudèt. Manifestan yo te boude kòmand fòs delòd yo.

Lapolis kouri repliye nan baz yo kat chemen. E la pou la manifestan yo limen plizyè grenn kawouchou ak drese barikad.

Transpò ak sektè komèsyal lan plis enstitisyon piblik kou prive rete paralize.

Konsa byen bonè maten vandredi a genyen kèk machin piblik ki te gentan chache pou ale pòtopwens ak bank nasyonal dekredi BNC ki ta louvri pòt li. Men se pat pou lontan depi bò dizè sitiyasyon an te pral chanje.

Kesyon k ap poze sou vrè sans manifestasyon sa yo k ap fèt nan Okay. Se kòm kwa moun yo pa ta santi kiyès gwoup denterè manifestan yo vize pou atake. E ki koz ¾ popilasyon an ap soufri plis pase 200 zan anba leksplatasyon ak you mizè demezire. E yo pa wè aspè idewolojik leve kanpe sa tou. Ou gen lenpresyon se madigra melanje ak bon mas, yo tout ansanm nan lari.

Selon jan sa ye la gwo pèp lan pap genyen k ap chanje pou li nan kad leve kanpe sa kèlkelanswa jan sa ta fini.

Se toujou mouvman retire pye pa w banm mete pye pam k ap rapousib la. Ki donk aprè nou se nou ankò.

Li sanble se you kategori grannèg ak you seri politisyen tradisyonèl ki anpàn pouvwa ki melanje ak dèyè leve kanpe sa.

Enterè boujwa plis politisyen tradisyonèl pa menm ak enterè gwo pèp lan. Jan sa ap deside se mete malfini ak poul nan men sak lan. Nou konnen sa ki pral pase se malfini yo ki pral manje tout poul ki nan sak lan.

Pou mouvman yo genyen sans pou gwo pèp lan ak pou chanje kondisyon lavi l. Li klè fòk genyen you koupe fache ki fèt avèk lojik pou mete gwo pèp lan ak boujwa/politisyen tradisyonèl yo nan menm panye pou yo mennen batay ansanm kont lavi chè ak kouri dèyè gouvènman.

Extrè video :

 

Jean Claudy Aristil.

Ajouter un Commentaire


Code de sécurité
Rafraîchir

OPEN

Saturday - June 15, 2019

Weather: -273°C

Kiyès ki sou sit la

Nous avons 197 invités et aucun membre en ligne

Podcast radio vkm

 

Rechèch