• [javascript protected email address]

Radyo VKM an dirèk

Jovenel Moise Nicolas Maduro

Konbit Oganizasyon Politik, Sendikal ak Popilè yo pa sezi ditou lè li tande dirijan Ayisyen yo vote kont Venezyela nan dènye rankont Konsèy Pèmanan OEA ki sot fèt lendi 10 janvye ki sot pase a. Apre ekip Tèt kale yo ak lòt pouvwa ki pase yo fin gagote lajan Petwokaribe a, koulye a yo chwazi vote kont Venezyela nan enterè patwon yo ki te mete yo sou pouvwa a. Ak vòt sa a, pouvwa Tèt Kale a voye matyè fekal sou bel istwa relasyon ki genyen ant pèp Ayisyen an ak pèp Venezyela a.

N ap raple, vòt lawont sa a rive anviwon yon mwa kèk jou apre Kenneth Merten te fin deklare Jovenel dwe fin fè manda li sou pouvwa a. Kidonk, pou nou nan Konbit la, vòt kont Venezyela a, se yon dil politik. Ak koub 3 milya 800 milyon degre sa, Jovenel trayi pwòp deklarasyon li te fè nan mwa me 2018 la kote li te salye reyeleksyon Maduro nan tèt peyi Venezyela. Men kòm metye prezidan enkilpe a se bay manti, nou sèten sa pap deranje l. N ap raple, Maduro te eli nan tèt peyi Venezyela ak 68% vòt yo. Pou nou menm, Jovenel Moise ki gen apèn 500 mil moun KEP koupyon an di ki vote l, pa gen okenn lejitimite pou li deklare li pa rekonèt lejitimite Maduro nan tèt Venezyela.

Pou nou nan Konbit la, vòt pouvwa esklav enperyalis la pa angaje pèp Ayisyen an. Se poutèt sa, nou mande tout òganizasyon ak militan pwogresis, pou yo kontinye manifeste solidarite yo ak Venezyela. Se pou sa, n ap konsète ak divès lòt òganizasyon pou nou òganize ansanm, yon mobilizasyon solidarite ak Venezyela nan jou k ap vini yo. Men anmenm tan tou, nou kwè pi gwo solidarite nou dwe pote ak Venezyela, se batay pou nou konstui yon pouvwa sosyalis nan peyi Dayiti, pou nou wete peyi a anba grif malfini lokal ak entènasyonal yo.

Viv lit pèp ayisyen an

Viv lit pèp Venezyela a !

Pou Konbit la :

Josué Mérilien                     

Guy Numa                  

Jean Paul Bastien

 

Ajouter un Commentaire


Code de sécurité
Rafraîchir

OPEN

Saturday - June 15, 2019

Weather: -273°C

Kiyès ki sou sit la

Nous avons 201 invités et aucun membre en ligne

Podcast radio vkm

 

Rechèch