• [javascript protected email address]

Radyo VKM an dirèk

Fito foto2

Fito  Romelus nan diskisyon pou jwenn gazolin resevwa yon bal nan tèt nan men Mathieux daprè kèk temwen. Zak sa a pase bò 10 zè vandredi 4 janvye 2019 la nan ponp gaz Sol/ Mesaje Sid ki chita nan avni Katajena zòn lwès kwa 4 chemen Okay.

Malgre popilasyon an zòn lan te mobilize pou te anpeche l ale, nan bout kont Mathieu t ap fè rezistans anbandisyon ak zam nan men l rive chape poul li ak konkou yon patwouy lapolis ki mennen l nan komisarya Okay lan. 

Pierre Renèl François direktè depatmantal sid polis nasyonal dAyiti (DDS/PNH) nan you ti pale nan telefòn di radyo Vwa Klodi Mizo (VKM) touswit aprè zak lan  Mathieu san bay tout non l se anplwaye sivil enstitisyon an nan sèvis plonbye depi 10 lanne. Direktè a konfime agresè a gen yon pèmi pou l pote zam ki pa pwopriyete lapolis.

DDS/PNH la kontinye pou l di enfòmasyon direksyon an jwenn sou fè a montre anplwaye a te koumanse sibi presyon ak yon gwoup moun ki frape l epi fè menas pou te pran zam ki sou li a. Se nan lit sa a yon katouch pati nan zam li a epi blese Fito ki te nan eskonbrit sa a. 

Rankontre Fito Romelis jenn gason 25 lanne, blese nan tèt ak sou je gòch li kouche nan sal pou gason A-1, menòt nan bra dwat li sou siveyans lapolis ap resevwa swen nan lopital OFATMA Okay la.

Konsyan, viktim lan ki pale malman ak VKM di prezime asasen an pa vle ba l posiblite pou rive douvan bouch ponp lan moleste l epi rale zam li tire l mete sou li. Paran an viktim lan di yon pa konprann Kouman jij depè ak lapolis mete menòt nan bra l poutan se li ki viktim  anba men bouwo a ap tann mo lajistis. 

Mathieu li menm ki te nan gadavi a  kèk èd tan aprè zak sa a jwenn liberasyon l selon direktè lapolis Sid la aprè yo fin analize fè a.

N ap raple w sa gen plis pase 2 mwa depi klamè piblik nan kad manifestasyon 17 oktòb 2018 pase a site non yon polisye ki enplike nan asasina yon jenn gason jouk lajounen jodi a okenn mezi pa pran pou ta fè limyè sou zak sa a. 

 

Max Imbert Marcelin, VKM 

Ajouter un Commentaire


Code de sécurité
Rafraîchir

OPEN

Thursday - October 17, 2019

Weather: -273°C

Kiyès ki sou sit la

Nous avons 46 invités et aucun membre en ligne

Podcast radio vkm

 

Rechèch