• [javascript protected email address]

Radyo VKM an dirèk

kiske

Konbit Oganizasyon Politik, Sendikal ak Popilè yo koube li byen ba douvan ekip Radyo Tele Kiskeya a ki viktim yon kokenn chenn katastwòf nan lannuit 21 desanm ki sot pase a. Radyo Tele Kiskeya boule atè plat akoz aloufa, piyajè ki nan tèt Leta a pa janm fè anyen pou mete nan peyi a yon sistèm ponpye ki gen kapasite pou entèvni an ijans nan moman katastwòf sa yo rive. Sa ki lakoz ponpye kin an zòn metwopolitèn nan prezante douvan Radyo a anviwon dezèdtan apre, preske san ekipman. Menm flash ak fab ponpye pat genyen pou li te entèvni, pandan lajan peyi a ap gagote. Ak katastwòf sa a, peyi a anjeneral ak ekip Radyo Tele Kiskeya a pèdi yon veritab patrimwàn, yon bibliyotèk, diskotèk, dokiman achiv ak yon tranch listwa.

Nan okazyon kokenn chenn katastwòf sa a, Konbit Oganizasyon Politik, Sendikal ak Popilè yo prezante senpati li bay tout ekip Radyo Tele Kiskeya a. Konbit la pwofite okazyon sa a pou li mande tout patriyòt, tout pwogresis ak revolisyonè nan peyi a, pou yo pote solidarite yo bay ekip Radyo Tele Kiskeya a pou pèmèt radyo a leve anba sann nan pi vit posib. Nan sans sa a, Konbit la ap prepare pou lanse yon jounen solidarite ak Radyo Tele Kiskeya nan jou k ap vini yo.

N ap raple Radyo Tele Kiskeya viktim plizyè fwa deja swa nan atak ak zam oubyen pèsekisyon anba bouch plizyè gwo palto nan rejim Tèt Kale a. Konbit la mande nouvo Komisè Gouvèlman pòtoprens lan Me Paul Eronce Villard, pou li mete aksyon piblik an mouvman prese prese sou sa ki pase a pou idantifye tout moun, ni moun ki ta planifyel ak ekzekitel.

Boutofen, KONBIT la kwè gen kèk kesyon ki dwe poze pou pèmèt bonjan limyè rive fèt sou orijin dife sa : Ak kiyès boule Radyo Tele Kiskeya pwofite nan konjonkti an ? Eske zak sa poze yon mannyè pou dilapidatè 3.8 milya dola petwo karibe a rive detounen atansyon popilasyon an sou batay kont koripsyon ak enpinite a ? Pandan n ap mande sosyete a reflechi sou kesyon sa yo, n ap pwofite mande popilasyon an kontinye pote solidarite ak tout ekip Radyo Tele Kiskeya.

Pou Konbit la:

Josué Merilien                    

Guy Numa

Jean Paul Bastien

Patrick Joseph               

 Olriche Jean Pierre  

 Yvens Faustin

 Sous imaj Rezo Nòdwès

Ajouter un Commentaire


Code de sécurité
Rafraîchir

OPEN

Thursday - January 17, 2019

Weather: -273°C

Kiyès ki sou sit la

Nous avons 63 invités et aucun membre en ligne

Podcast radio vkm

 

Rechèch