• [javascript protected email address]

Radyo VKM an dirèk

dd6d4cde caa1 4889 873c 59535c34e5f01

Non ak yon anviwònman dalabre, yon debwazman planifye, non ak itilizasyon asyèt estiwofom kou polistirèn yo... se kri 143 sitwayen nan premye <Kongrè Nasyonal sitwayen pou Klima a> soti mèkredi 5 pou rive samdi 8 desanm 2018 nan Komin Kwadèboukè depatman Lwès.

Sou envitasyon Gwoup Aksyon Frankofòn pou Anviwònman/ (GAFE) nan lang franse, mouvman Altènatiba/Ayiti marande 69 fanm ak 74 gason, grandèt kou jenn soti nan plizyè sektè òganizasyon diferan peyi a: pèyizan, timachann, chomè, etidyan, pwofesyonèl... brase lide pandan 3 jou sou divès gwo pwoblèm anviwònman an anpatikilye sou pwodwi pwolistirèn kou estiwofom yo ki selon rechèch yo ap asasinen piti piti sitwayen ayisyen yo.

Soti nan ti lakou pou rive nan gwo vil peyi a prezans pwodwi ilegal danjere sa yo: bwat asyèt katon blan kou gode, sachè tout kalite koulè, bidon, kèp, dechè menajè gaye pasipala tounen manje pou bèt nan elvaj sovaj la, yo bouche fose, dren yo, sèvi kachèt pou marengwen kale, anpwazonnen dlo ak polye lè a. 

Sitwayen/Pwotestatè responsab angaje yo pou denonse Leta prive- peyi a malgre arete ministeryèl  administrasyon Lamòt/Mateli nan dat 10 jiyè 2013 anyen pa fèt pou kontrekare boujwa dominiken kou ayisyen  yo nan komès kriminèl sa a, enplike 4 gwo konpayi dominiken nan pwodwi machandiz kriminèl sa yo ak kèk gwo makèt nan peyi a k ap distribiye yo.

Youn nan dirijan GAFE a, Virginie Pochon (Virjini Pochon) di, komès ilegal sa a rapòte gwo konpayi sa yo 75 milyon dola vèt epi l mete lavi sitwayen ak anviwònman an nan gwo danje. 

Li kontinye pou l di, pwodwi estiwofom sa yo pa degrade, yo pa pouri. Yo paka resikle, transfòme yo pou yon lòt itilite alevwa pou yo ta rive detwi yo. Daprè rechèch yo, asyèt estiwofom kou polistirèn yo bay kansè san konte kantite tan yo ap ret nan nati a. 

Kèk sitwayen patisipan nan < Kongrè Nasyonal Sitwayen pou Klima a> di radyo Vwa Klodi Mizo yo konstaste enpak fatal pwodwi sa yo ak dividal lòt ap kontinye koze nan anviwònman an. Konsyan, yo deside enfome gwo popilasyon an sou matonton danje ki sou tèt li. Ansanm nan yon aksyon sitwayen kolektif pou klima a yo dwe mache sou 2 janm yo nan: denonse san vyolans pou arete 2013 sou entèdiksyon pwodwi ilegal sa yo  aplike, fòse otorite lokal, nasyonal yo pran responsablite yo epi mete prensip adaptasyon yo annaplikasyon pou fè fas kare ak chanjman klimatik la.

Pou rive materyalize altènatif sa a, sitwayen yo pran angajman pou fé pledwaye pou yon espas vivab sen ak gaye aksyon mouvman  Altènatiba/Ayiti a nan tout peyi a. 

Chanje pou chanje se Sistèm malouk kriminè Leta-newoliberal la ki pou chanje se pa klima a.

 

Max- Imbert Marcelin ( Maks- Enmbèr Marslen)  VKM

Ajouter un Commentaire


Code de sécurité
Rafraîchir

OPEN

Thursday - January 17, 2019

Weather: -273°C

Kiyès ki sou sit la

Nous avons 62 invités et aucun membre en ligne

Podcast radio vkm

 

Rechèch