• [javascript protected email address]

Radyo VKM an dirèk

3 moun blese anba bal lapolis, yon dizèn elèv endispoze anba gaz lakrimojèn, paran kou lòt abitan nan savann lan, edh atake ak tentativ pou mete dife nan yon ponp gazolin make premye jounen grèv nasyonal ak petwo blokaj la.

 

Blese yo ki pale ak radyo VKM nan lopital Jeneral Okay la bò 5 kè nan aswè di yo pa t nan manif lan. Men yo te nan antouraj blòk ri Estenyo Vensan lè polisye ak mas nan tèt yo louvri kout zam sou manifestan yo ki te douvan biwo EDH la.

 

Viktim yo se: Edson Feliks/ Edson Félix 22 lanne, li resevwa yon katouch nan je pye gòch li, Jan Estafàn Lowòr/ Jean Stephane Laurore 47 lanne, blese nan je pye gòch ak Donalson Jan/ Donalson Jean 18 lanne resevwa bal la nan janm gòch li.

 

Sewòm nan bra, viktim yo chita oubyen Kouche nan san yo nan sal ijans malmennen an ap tann entèvansyon ka yo nesesite.

 

Plizyè ri bloke pasi pala, gwo flanm dife, wòch ak treto timachann kou gerit bòlèt, poto fè ak lòt anpeche sikilasyon an nan twazyèm vil peyi a.

 

Li te bò 10 zè konsa nan maten lè tansyon an  koumanse nan blòk savann lan, ak yon gwoup jenn manifestan ki pran wout ri Moseyè Moris pou al tonbe bò lekòl Frè Odil Jozèf/ FOJ kote yo frape baryè a pou mande responsab yo lage sèl grenn lekòl ki fonksyone nan komin lan.

 

Rive sou plas, manifestan yo fè fas kare ak lapolis ki tire, voye wòch ak yo kou lanse flakon gaz lakrimojèn yon fason pou kenbe pwotestatè yo lwen. Lodè gaz ki deja gaye, rive sou elèv yo fòse lapolis mande responsab lekòl la libere timoun bay paran yo ki te gentan mase ozalantou lekòl la.

 

Enfòmasyon nou ka fè konfyans di n, gen yon dizèn elèv ki endispoze tranpòte nan lopital. Pifò nan yo gen pwoblèm respiratwa. Anplis se te yon ti kantite elèv ki te reponn prezan jounen lendi 19 novanm lan. Bò kote direksyon Lekòl la menm pa ko gen anyen ki di sou sa k rive a voye pou mèkredi 21 novanm fonksyoneman lekòl la.

 

Sitiyasyon sa a te mete yon tansyon nan vil la kote paran ap kouri vin chache pitit yo anvan  vire won jenn manifestan yo ki paralize nèt aktivite kòmesyal la nan mache santral ak mache Relè ki vide vit vit kou Bank ak biwo transfè fèmen pòt yo.

 

Manifestan yo detèmine nan mouvman petwo blokaj la chanje pratik mobilizasyon an. Se plizyè gwoup ki aji nan divès kwen kou katye anpeche fòs lòd andyable a gen kontwòl yo oubyen kwape yo nan dividal aksyon yo.

 

Pou kèk obsèvatè, demonstrasyon sa a montre aklè mas yo ka travèse pikan kwennan klas dominan yo plase sou wout yo swete manifestan yo frape nan pòt yo dwe frape. Paske se petwovòlè 3.8 milya dola vèt la ki dwe pa gen dòmi nan je, toumante pou zak yo fè nan depatman Sid la kou nan rès peyi a.

 

Maks- Enmbèr Marslen, VKM

 

  

 

Ajouter un Commentaire


Code de sécurité
Rafraîchir

OPEN

Thursday - December 13, 2018

Weather: -273°C

{audio}http://108.178.13.122:8014/listen.mp3.m3u{/audio}

Kiyès ki sou sit la

Nous avons 25 invités et aucun membre en ligne

Podcast radio vkm

 

Rechèch