• [javascript protected email address]

Radyo VKM an dirèk

10 moun blese anba kout baton Lapolis, timoun kou granmoun endispoze anba gaz lakrimojen, arete plis yon dizèn manifestan, 7 libere se bilan egzaksyon plizyè inite kagoule: BLTS,BIM ak ajan administratif nan PNH/Sid la ki mete fen nan manifestasyon 18 novanm 2018 la sou boulva 4 chemen an.

 

Manifestan yo ki te kèk santèn ak branch bwa, san okenn pantak ni bann rara, kèk moso twèl koulè drapo Nwe ak Wouj demare manif lan apre 9:30 nan maten epi pran direksyon Lès vil la, ri Moseyè Moris pou mande kont sou gaspiyaj 3.8 milya dola vèt lajan PetwoKaribe a ak mande pou prezidan enkilpe a Jovnèl Moyiz kite pouvwa a.

 

Parèt mwen detèmine yon bò ak mank planifikasyon nan ki direksyon manif lan dwe pase yon lòt bò, fanm kou gason, jenn kou grandèt ak pawòl, chante pikan kwennan siyonnen plizyè ri nan vil la anvan yo koumanse bloke chak pa yo fè sou boulva ak tout debri yo jwenn sou pasaj yo epi mete dife nan kawotchou. Aksyon sa yo koumanse fèt anba je lapolis anvan polisye yo regwoupe épi atake manifestan yo nan ke manif lan ki tou kwaze l.

 

Responsab mobilizasyon Federasyon Opozisyon Popilè Sid ( FOPS), Niksonn Deni/ Nickson Denis ki reponn kesyon radyo VKM di  popilasyon an make yon gwo kou. Malgre gwo kout zam otomatik ki chante byen bonè nan maten 18 novanm lan, lajan pouvwa PHTK a simaye nan plizyè baz ak vizit prezidan enkilpe a nan komin Tòbèk pou inogirasyon twonson wout Kafou Meridyen - Disis vandredi 16 novanm 2018 pa anpeche sitwayen yo mache pou mande jistis, arete petwovòlè yo ak pou egjije depa avan lè prezidan Jovnèl Moyiz nan tèt Leta a.

 

Responsab FOPS la konfime, denonse epi mande pou lapolis libere plizyè sitwayen ki arete, kase tèt yo ak kout zam. Deni di,  federasyon an ap rete mobilize ak popilasyon an pou bloke depatman an lendi 19 ak madi 20 epi se aksyon manch long pou derasinen pouvwa mafya PHTK dezyè vèsyon an.

 

Nap raple w kèk èd tan anvan manifestasyon 18 novanm 2018 la yon nouvo  komisè divizyonè Pyè Renel Franswa ( Pierre Renel François) enstale kom DDS/PNH Sid.Li ranplase Maryo Obèjis (Mario Aubergiste) ki pa di anyen sou ka polisyen Kal Edwa Nweyelizè klamè piblik akize nan asasina Jan Nesli Sinal nan manifestasyon 17 Oktob 2018 pase a.

 

 

Maks Enmbèr Marslen, VKM

Ajouter un Commentaire


Code de sécurité
Rafraîchir

OPEN

Thursday - December 13, 2018

Weather: -273°C

{audio}http://108.178.13.122:8014/listen.mp3.m3u{/audio}

Kiyès ki sou sit la

Nous avons 24 invités et aucun membre en ligne

Podcast radio vkm

 

Rechèch