• [javascript protected email address]

Radyo VKM an dirèk

 

Konbit Oganizasyon Politik, Sendikal ak Popilè yo voye yon gwo kout ayibobo pou popilasyon an ak tout òganizasyon konsekan ki te mobilize nan kat kwen peyi a ak nan dyaspora a nan okazyon 212 lane asasina papa Nasyon an Janjak Desalin. Nivo mobilizasyon jodi a montre aklè, pèp ayisyen an vomi pouvwa anplas la, leta pouri a ak tout sistèm pezesouse ki tabli nan peyi a depi plis pase 200 lane. Popilasyon an ak òganizasyon yo te mobilize pou mande :

1-Pou lajistis mete kòd nan kou tout petwovòlò ki enplike nan piye lajan petwokaribe a

2-Pou enkilpe Jovenel Moise ak akolit li yo kite pouvwa a san pèdi tan, paske petwovòlò paka fè pwose petwokaribe a

 

Konbit Oganizasyon Politik, Sendikal ak Popilè yo denonse ak tout fòs li, zak sasinay ak represyon lapolis fè sou popilasyon an nan plizyè depatman nan peyi a. Konbit la denonse tou represyon lapolis fè sou plizyè jounalis k ap fè travay yo nan kad manifestasyon 17 oktòb la. N ap pwofite okazyon sa a pou nou mande liberasyon prese prese, tout manifestan lapolis arete yo.

Mobilizasyon pirèd

Konbit Oganizasyon Politik, Sendikal ak Popilè yo ap mande popilasyon an ki nan kat kwen peyi a, pou li kontinye kenbe flanbo mobilizasyon an. Nan sans sa a, n ap kontinye rasanble nan menm pwen rasanbleman yo jedi 18 ak vandredi 19 oktòb la, pou n al kontinye mande arestasyon petwovòlò yo ak depa tout petwovòlò nan tèt Leta a.

Konbit Oganizasyon Politik, Sendikal ak Popilè yo ap voye yon gwo pinga bay tout raketè lokal ak entènasyonal k ap konplote sou do pèp la, pou bay peyi a yon tranzisyon ki sanble tèt koupe ak tranzisyon pezesouse ki pase yo. Konbit la kwè, se pèp la menm ansanm ak aktè k ap batay sou teren an ki pou di ki kalite tranzisyon li vle ak ekip ki dwe jere tranzisyon an. Sa k te pase nan vèy la pap pase nan antèman an.

Aba petwovòlò ! Viv yon tranzisyon popilè ki koupe fache ak sistèm pezesouse a !


Yves André Joseph                   

Guy Numa              

Jean Paul Bastien

Josué Mérilien                              

Olriche Jean Pierre

 

 

Ajouter un Commentaire


Code de sécurité
Rafraîchir

OPEN

Friday - November 16, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 11 invités et aucun membre en ligne

Podcast radio vkm

 

Rechèch