• [javascript protected email address]

Radyo VKM an dirèk

Kèk milye moun Okay nan lari ap reklame 3.8 milya kòb petro karibe a yo repwoche dirijan yo vòlò, ak depa prezidan Ayisyen an Jovenel Moïse. Se sa radyo Vwa Klodi Mizo (VKM) konstate mèkredi 17 oktòb 2018 lan.

 

Gen you moun ki mouri ak 2 lòt blese anba bal lapolis, anviwon 3 arestasyon ak kèk moto siklèt lapolis pase anba flanm dife pandan manifestasyon sa.

 

Jèn gason Jean Nesly Synal  ki pèdi lavi li an gen 23 lane, se nan lopital Ofatma la l ran n dènye bout souf li. E konsa pwòch li yo ta depoze kadav li nan youn nan mòg prive nan vil lan.

 

2 lòt viktim yo: Jinelson simellon you jèn gason 18 tan ki  pwan yon bal nan pye se nan aktivite bolèt li ye. Ak Tony Joseph 44 lane ki resevwa yon bal nan kwis dwat li se nan zafè achte fè pou l revann li t ap okipe. Kounye a y ap pran swen nan lopital jeneral Okay.    

 

Zak sa yo fèt nan moman lapolis entèvni pou fòse manifestan  yo respekte pakou mach lan yo te antann ak yo, manifestan yo reziste. E konsa deblozaj pete antre yo. Moun yo di sa se radòt yo gen dwa manifeste kote yo vle, zam rale, bal tire.

 

Devan sitiyasyon sa manifestan yo pat pran twòp tan pou yo te rantre nan nich yo.

 

Yon seri polisye UDMO ak kèk ajan polis minisipal an sivil ak gwo zam fann fwa okipe espas devan lakay (otèl Lemangye) chèf wonflè majistra prensipal demisyonè komin Okay lan Jean Gabriel Fortuné pou rezon sekirite.

 

Inisyativ sa pwan parapò ak slogan ki t ap soti nan bouch manifestan yo kote yo pral chache kòb petro karibe a lakay Gabriel. E konsa manifestan yo t ap chache devye pakou a pou pran wout deksya ki t ap kondwi yo lakay chèf wonflè a. E lapolis te anpeche yo rive.

 

Radyo Vwa Klodi Mizo (VKM) pandan leve kanpe sa, sibi agresyon you gwoup moun maske ak kagoul nan antre nan lopital Ofatma nan deksya devan you barikad anflame nan moman kameramann nan Virlason Bichara alyas toutòm ki ta akonpaye yon konfrè li ki travay pou you lòt estasyon Soliman Vanel alyas gran moun t ap eseye pran imaj barikad sa. E konsa se gade yo gade yo wè gwoup maske sa fè you lapli wòch sou yo, se kouri derape motosiklèt mete deyò, sa rive youn nan  kout wòch sa yo kraze limyè dèyè moto a.

 

Pou kounye a se you panik jeneral nan vil lan. Òganizatè yo pako janm di ki sa k ap kontinye fèt. Ni otorite yo pa fè soti okenn desizyon aprè sa ki pase pandan jounen an.

 

Prèske tout lari nan Okay blanch nan moman sa, apa kèk grenn moun nan kèk kwen ou pase  k ap pale antre yo menm.

 

Nou riske pou jedi 18 oktòb nan genyen you sitiyasyon panik pou prèske aktivite yo paralyze you lòt fwa ankò nan vil lan pandan semenn sa.  

 

Jean Claudy Aristil

 

Ajouter un Commentaire


Code de sécurité
Rafraîchir

OPEN

Thursday - December 13, 2018

Weather: -273°C

{audio}http://108.178.13.122:8014/listen.mp3.m3u{/audio}

Kiyès ki sou sit la

Nous avons 45 invités et aucun membre en ligne

Podcast radio vkm

 

Rechèch