• [javascript protected email address]

Radyo VKM an dirèk

Depi nan desann ajan BLTS yo  koumanse moleste, choute yon ti machann bòlèt nan tidyòb li nan antre restoran an 10 Dwèt la. Andedan an menm: kliyan yo, kwizinyèz yo kou pwopriyetè restoran an konnen yon move moman.
 
Youn nan viktim yo ki pale ak radyo Vwa Klodi Mizo di ajan yo nik antre, anbandisyon, mande pou tout moun kouche atè plat. Gen youn ki monte sou kès la, pwente zam sou li, anvan yo trenenn l al jwenn lòt anplwaye yo nan gwo sal la. Sitiyasyon fraka sa a lakòz youn nan anplwaye li yo, yon fanm, endispoze. 
 
Responsab la pat manke kritike ajisman polisye BLTS yo nan operasyon pou arete kliyan an, moleste, imilye tout moun ki te nan restoran an. Li swete lapolis aji ak plis tak. 
 
Maske. Polisye yo debake kèk minit aprè ansyen majistra komin Bomon/ Depatman Grandans, sou ansyen makawon jal Anri Nanfi/ Henry Nanphy, Filip Etyèn, pwòch pouvwa anplas la te antre nan restoran an. Ajan yo ki sanble te rekonèt li, paske yo pat mande okenn moun idantifye yo. Yo Mache sou li. Pran l nan do, leve l, san menote l epi flanke l nan yon gwo pick up nwa, pati ak li.
 
Enfòmasyon yo ta fè kwè se pou enplikasyon l nan rezo fo chèk. Kèk obsèvatè sou plas ki pale ak nou poze tèt yo keksyon si se ta pou rezon sa a pouki se pa Lapolis Administratif ki arete l? Kisa ajan Brigad lit kont Trafik Dwòg ap chache nan operasyon an? Kisa k ap kamoufle?
 
Antouka sa gen plis kè 2 lanne depi plizyè non ap site nan dosye 153 milyon goud fo chèk ministè Enteryè. Sak te arete lage, lave epi se jounen dimanch 30 septanm 2018 la yo fouke enjenyè Etyèn Filip ki toujou nan aktivite l nan depatman Sid kou Grandans, vil Okay anpatikilye anba je otorite yo. 
 
Jan sistèm lajistis nan mòd Leta pouri sa a fonksyone sitwayen yo paka two kwè nan travay otorite yo. Paske egzanp yo avivwa nan dènye jou sa yo nan depatman Sid pou jan kèk jij ap libere malfra yo.
 
Ajisman jij sa yo pi souvan se kafouyaj, gwo van tilapli, pou lave jwè sistèm lan ki byen kouvri anba wòb enpinite. 
 
 
Maks - Enmbèr Marslen, VKM

Ajouter un Commentaire


Code de sécurité
Rafraîchir

OPEN

Thursday - December 13, 2018

Weather: -273°C

{audio}http://108.178.13.122:8014/listen.mp3.m3u{/audio}

Kiyès ki sou sit la

Nous avons 61 invités et aucun membre en ligne

Podcast radio vkm

 

Rechèch