• [javascript protected email address]

Radyo VKM an dirèk

 

Pozisyon SAJ/VEYE YO nan okazyon 30 lane masak Senjan Bosko Lasalin, Potoprens

 

1. Jodi 11 sektanm 2018 la, si n ap konte, li bay 30 lane depi masak Senjan Bosko fet, 25 lane depi zak sasinay fèt sou Antoine Izmery. Li p at yon sekrè, lame makout la, enperyalis yo ak makònay divès fòs fè nan dAyiti p at alèz ak mouvman ki t ap boujonnen anndan peyi a depi, omwens, komansman ane 80 yo. Se yon mouvman, menmjan ak mouvman PetwoChallenge jounen jodia ki te bay batmannkè. Nan sans sa a, tout zak yo kapab komèt pou frennen l p at twòp. Gen plizyè menas ak presyon ki te konn bay, men sa p at briding nou. Finalman jou dimanch 11 sektanm 1988, brasawouj debake nan mitan selebrasyon lamès la, yo bat moun, pike moun, touye moun (Plis pase 13 moun e plis pase 80 lot soti blese), mete dife nan Legliz Senjan Bosko. Pami viktim yo, te gen yon fanm ansent, kriminèl yo p at jennen foure koute nan vant li. Jou dimanch 11 sektanm sa a, brasawouj yo sou zòd lame makout la ki t ap aji kom tchyoul fòs reyaksyone yo ak enperyalis yo, se sa yo bliye yo p at fè. Zak briganday san parey sila a te dire anviwon 3èdtan. Poutan, preske anfas Legliz gen yon gwo kazèn Lame Makout la. Franck Romain, nan zak sa a p at kache, li te met tout ko l deyò. Se pou sa menm li p at pè deklare: « Qui sème le vent, récolte la tempête. » E brasawouj yo p at gen pwoblem pou debake nan televizyon nasyonal pou asime zak yo fè e pwofite anonse gen lòt zak menmjan an yo pral komèt.

 

2. Nan mwa sektanm 1993, 5 lane apre masak Senjan Bosko a, nan mitan ke Koudeta a, plizyè militan ak òganizasyon t ap oganize yon seremoni nan legliz Sakrekè nan memwa viktim yo ; pliske enpinite a garanti, atache ak milite debake anndan legliz la, yo rale Antoine Izmery devan legliz, yo touye l. SAJ/VEYE YO ap konstate 30 la aprè gwo masak sa a nan Legliz Senjan Bosko e 25 lane apre zak sasinay sou Antoine Izmery, toujou pa gen jistis ki fèt. Tout bagay rete tankou p at janm gen anyen ki te pase. Lajistis la toujou ap distribiye nan ti gòdèt. Se lòt bagay k ap regle.

 

3. SAJ/VEYE YO panse demach k ap mennen pou mande kont sou itilizasyon Fon Petwo Karibe a ak tout lòt piyay ki fet sou byen Leta pa kapab depaman ak revandikasyon global JISTIS mas yo. Dosye Petwo Karibe a se yon dosye JISTIS e se ENPINITE ki lakòz fon petwo karibe pase jan l pase a. Si aye nou te gonfle ase fòs pou jwenn JISTIS pou chak zak ki komet, jodia Petwo Karibe pa t ap egziste. SAJ/VEYE YO vlepwofite atire atansyon nou, Leta sa a p ap kapab pote repons korèk ak revandikasyon JISTIS nou yo. N ap repete se KAT la ki pou REBAT. Plis pase 2 mwa aprè evenman 6,7,8 jiye yo, nan fason Palman fek vote an katimini yon bidjè rektikatif ki pi kriminèl pase bidjè 17-18 inisyal la, se prèv y ap pase nou nan labou.Lajan pou pèman dèt Petwo Karibe a pote lamayòl ak 14% nan pwojè bidjè 2018 – 2019. Nou konstate koman anpil move zangi ap fofile kò yo nan batay mas yo k ap chache repons ak kesyon : KOTE LAJAN PETWO KARIBE A PASE, se prèv anplis yo vle pase batay la nan labou. Nan batay pou fè LAJISTIS blayi nou p ap janm melanje madigra ak bon mas. SAJ/VEYE YO kwè li enpòtan pou demakasyon an fèt klè.

 

4. Peyi a ap travèse move kalfou. Pandan mas pep la ap trimen anba move lavi, move lawon ki nan tout koulwa pouvwa piblik yo ap manje gra. Yo te fè komsi yo te tande e konprann siyal mas yo nan lokazyon 6,7,8 jiyè 2018 la, poutan se manti. Tout kalite mannigans ap fet pou trennen e rive menm bloke dosye Petwo Karibe a. Nou sezi wè kijan Laprezidans parèt entèrese pou dosye a vanse, lè li envite manm Lakou Dèkont nan Palè pou vin diskite sou mwayen yo bezwen pou mennen ankèt sa a. Nou kwè Lakou Dèkont fè yon fòt grav e sa pèmèt nou konprann pi klè, plan moun sa yo, pa gen anyen ki posib avek yo. Tout sa se mannigans, mouvman atoufè pou fè timoun domi, pèp Ayisyen an pa timoun erèzman. Pwosè Petwo Karibe a ap fèt e tout dwèt long siperyè ap gen pou rann kont, remèt lajan an. Se pou sa, depi jodia a menm nou dwe ranfose zouti batay nou yo pou n kapab fè fas kare ak tout move lawon k ap vin mete yo an kwa sou chimen revandikasyon JISTIS mas yo. Se sistèm tèt anba sa a ki garanti ENPINITE a. Se li menm ki sèvi angrè pou pèmèt KORIPSYON, ak tout kalte lot krim fèt epi rete san pini. Fòk nou chavire sistèm lan pou n jwenn repons ak tout revandikasyon nou yo.

 

SAJ/VEYE YO ap rete fidèl nan konba pou demaske Leta pèpè sa a nan figi sosyete a. N ap mache kontre pou n gonfle fòs ansanm ak tout òganizasyon konsekan mas yo pou n fòse REBAT KAT LA . Aba koripsyon ak enpinite !

 

Viv revandikasyon JISTIS mas yo ! Pèp ki wè klè pa reve je kle !

Oganizasyon nan Aksyon pou Liberasyon Ayiti !

Pòtoprens, 11 sektanm 2018

 

Sekretè Jeneral SAJ/VEYE YO,

Rock CESAR

Sous imaj HPN

Ajouter un Commentaire


Code de sécurité
Rafraîchir

OPEN

Friday - September 21, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 2 invités et aucun membre en ligne

Podcast radio vkm

 

Rechèch