• [javascript protected email address]

Radyo VKM an dirèk

Jan sa a konsonnen, Leta prive- prive a ak enstitisyon li yo jwe ak moman foli popilasyon an pou foutbòl kou lòt pou pwofite ajiste yon seri taks anplis nan kòse popilasyon an ki deja pa gen rele ak reponn oubyen ki ap peye plizyè sèvis nan konpayi prive kou Leta tankou : digicel, natcom, ED’H, Lameri, OACTC... san jwenn sèvis .  

 

Depi mwa jen 2018 pase a abòne nan Sid yo koumanse peye nouvo taks ED’H la ki se Facturation Éclairage Publique, FEP nan lang franse). Pou nou pi klè, enfòmasyon radyo Vwa Klodi Mizo jwenn nan biwo santral Semi Otonòm EDH/Sid la se yon taks chak abone dwe peye pou chak grenn anpoul ki limen nan poto lari yo. 

 

Keksyon nou ap poze tèt nou se ki ekleraj? Lè n konnen se chak Sen Silvès popilasyon an wè enèji sa a klere andedan lakay li. Tanka,  pou lari yo menm, sa gen lontan poto idayi yo pa limen chak 50 mèt ankò. Si pou kèk kote nan vil la se chak 250, 500 mèt yon poto gen yon limyè ladan l nan  seksyon kominal li yo kou rès depatman an se lè gen lalin limyè monte poto, ouvyen lè ansyen premye minis Laurent Lamorthe/ Loran Lamòt ak prezidan enkilpe Jovnèl Moyiz te lanse yo nan pwogram mete lanpadè nan plas ED’H yon fason pou yo te gadote lajan Petwokaribe a. 

 

FEP a, varye selon kategori abone a. Si l nan kategori: Res/ kay prive, Ind pou Endistri, CO pou komès pousantaj FEP a diferan. Chif yo montre pou yon kay ki boule soti 1 goud pou 1000 goud se 5% montan sa a l ap peye, soti 1001 goud pou rive 3000 goud se 4%, 3001 goud pou 16500 goud se 3% montan an, 16501 goud pou 50000 goud se 1,17%  épi soti 50001 pou X se 0,016 % . Ala yon otonomi federe ki di nan kò abòne yo. Men okenn dilijans p ap  fèt pou enèji Altènatif yo établi k ta soulaje alewè fini ak depandans konpayi a nan zafè gaz. 

 

Daprè kèk sitwayen ki pale ak VKM nan kèk depatman: Nò, Nodès, Nip, Grandans di Leta fòs kote a ret sèlman pou l koupe pòch sitwayen yo. Se sousèt, Se vòlè! Yo p ap enfome yo se nik tande ak wè Konpayi semi otonòm yo aji selon kapris yo. Nan kondisyon sa se youn di lòt pou fè dechèpiyè yo fè bak sou tout kalite taks enjis.

 

Abòne sa yo kontinye pou di yo peye taks sa a nan dividal taks Konsey Minisipal yo pa sispann ogmante, pa konprann pouki yo dwe repeye l aloske se responsablite lakomin pou klere, netwaye, veye sekirite vil yo ak pou pèmèt ansanm ak TPTC  sitwayen yo sikile kòmsadwa?

 

Nan yon ankèt VKM mennen nan kèk depatman konstate taks sa soti nan bòdwo mwa jiyè 2018 pase a. Li klè se yon taks anplis EDH mete pou satisfè deziderata otorite anplas yo.

 

Jan Alèks Douyi/ Jean Alex Douilly ki rive nan tèt konpayi an 4 avril 2018 pase a pa gen pwoblèm pou l mete l dakò ak taks sa a malgre li konstate konpayi l ap dirije a pa bay Kouran.  

 

Tout sa k ap fèt ak konpayi ED’H la se yon fason pou montre konpayi an fayi, likide l jan prezidan enkilpe a Jovnèl Moyiz ak FMI deja siyen kontra pou privatize l menm jan sa fèt ak Teleko, Minotri, Siman Dayiti...

 

Kòm sendika nan konpayi Leta sa a bese ba nan travay vijil yo ret gwo popilasyon an ki pou frape pye nan sezi konpayi sa yo epi remèt yo bay moun yo menm wè ki ka regle zafè yo. 

 

 

Maks- Enmbèr Marslen, VKM

 

Ajouter un Commentaire


Code de sécurité
Rafraîchir

OPEN

Friday - September 21, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 9 invités et aucun membre en ligne

Podcast radio vkm

 

Rechèch