• [javascript protected email address]

Radyo VKM an dirèk

Nan dènye jou pase sa yo soti 20 pou rive 25 jiyè 2018 la nan komin Okay ak seksyon kominal ki antoure li yo zak vòl kou brakaj ak tout kalite zam deja fè plizyè viktim, ògmante sitiyasyon laperèz k ap rive dri dri sou sitwayen yo.
 
Dènye ka ki pase yo rive madi 24 jiyè pase a nan aswè sou komèsan Klozèl Rejis/ Clausel Registre alyas Kloje/ Clauger ki blese byen grav ak byen bonè mèkredi 25 jiyè 2018 sou machann manje kwit, Iv Ramo/ Yves Rameau anpil moun konnen sou non Boule.
 
Viktim lan, Ramo/ Rameau, resevwa plizyè bal nan lakou lakay li, douvan chodyè manje li yo, nan lokalite Deksya 4, ki chita nan premye seksyon kominal Boudè komin Okay, mouri nan lopital Ofatma a. 
 
Si nou kwè chif òganizasyon UFADESCH ( Inyon Fomatè ak Animatè Sid nan Edikasyon Sivik ak Respè Dwa Moun) fè soti di nan espas 15 dènye jou sa yo, nan 3zyèm vil peyi a senpleman, oganizasyon an resanse 10 ka brakaj ki bay 3 mò ak yon blese grav, swete otorite yo pran responsablite yo pou zak sa yo ka fwennen nan komin lan kou depatman Sid la.
 
Pou kòdonatè a Belas Jean Benisel ki pale ak radyo Vwa Klodi Mizo, di zak sa yo pa rive twò lwen sou komisarya nan antre vil la zòn lwès li, ap mande pou gen plis patwouyi lajounen kou lannwit epi pou popilasyon an pran responsablite l nan fè rezistans ak bandi yo. 
 
Zak sa yo ki pa nouvo nan komin lan, depatman an kou peyi a anjeral ap fini oubyen kaba se lè tout bezwen premye sila yo ki pi vilnerab yo rezoud nan jwenn: manje, travay, lojman, laswenyaj, elatriye. Oubyen pou viktim sosyal sa yo ke otorite politik yo ame ( fanm kou gason) pou teworize gwo popilasyon an nan regle zafè pa yo, retounen zam sa yo kont ofisyèl ki ame yo a olye se sou gwo popilasyon ki gen menm orijin sosyal pòv ak yo y ap fè kriye.
 
Maks-Enmbèr Marslen, VKM
 

Ajouter un Commentaire


Code de sécurité
Rafraîchir

OPEN

Tuesday - October 23, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 10 invités et aucun membre en ligne

Podcast radio vkm

 

Rechèch