• [javascript protected email address]

Radyo VKM an dirèk

Sou inisyativ divès òganizasyon dwa moun nan depatman an yon jounen sansibilizasyon sou tèm:“Tout moun genyen menm dwa, San diskriminasyon”reyalize nan twazyèm vil peyi a. 

 

Atelye sa a ki fèt nan lokal “Mityèl Solidarite” se yon fason pou plizyè oganizasyon dwa moun tankou: GADES, FOSREF, UFADESH, Rwayòm Voudou Dayiti ak UPLCDS kole zepòl pou make dat 17 me a ki se jounen entènasyonal kont omofobi.

 

Yo te yon 60tèn patisipan, yon dizèn entèvenan ki reponn ak tèt kole oganizasyon sa yo nan sansibilizasyon sou dwa moun kote otorite sivil tankou dwayen tribinal premye enstans jiridiksyon Okay, Pierre Etzekiel Vaval, direktè annaprè Ofis Pwoteksyon Sitwayen/OPS, Sergo Pilorge, anplwaye MSPP/Sid Michelle Yves Olivier kou reprezantan  lapolis Morisset Morice ak lòt  di tout diskriminasyon sa a chita sou yon kesyon edikasyon. 

 

Kominote 5 M lan: Masisi, Madivinèz, Makomè, Monkonpè, Miks dwe jwi dwa li yo menm jan ak tout moun., san eksklizyon san diskriminasyon. Oryantasyon seksyèl yon moun pa dwe yon mwayen pou yon kantite lòt soti pou pase dwa ti minorite sa a anba pye, fè atak fizik, atake yo ak move pawòl si se pa touye yo touye l san gad dèyè. Masisi, Madivinèz pa yon krim. Se omofobi a ki se yon zak kriminèl.

 

Pou entèvenan yo chak moun dwe ka viv lavi l jan li vle paske depi nan vant konsèp dwa moun lan te deja la. Se chwa l. Se ansanm pou egalite.

 

Atelye yo te byen anime nan 3 gwoup ki te gen pou reponn ak tèm tankou: Travèse Rivyè, diskriminasyon ak dwa epi dènye tèm nan se  Chwa oryantasyon seksyèl.

 

Jounen aktivite sa a te demare depi 9 vè nan maten pou bout bò 4 trè nan aprè midi. Patisipan ki pale ak radyo Vwa Klodi Mizo di yo pran angajman pou y  al sansibilize lòt moun nan sèktè yo soti, nan kominote yo pou pouse nan sans pa yo lide pou fè pwomosyon kont diskriminasyon nan peyi a. 

 

N ap raple depi lane 2010, komisè dwa moun nan Nasyonzini ap mande pou konbat diskriminasyon k ap fèt sou baz oryantasyon seksyèl kou tribinal ant peyi nan amerik la sou dwa moun /CIDH nan lang franse nan arè ki soti nan dat 9 janvye 2018 ki plede pou maryaj pou tout moun. 

 

 

Maks- Enmbèr Marslen VKM

Ajouter un Commentaire


Code de sécurité
Rafraîchir

OPEN

Wednesday - June 20, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 47 invités et aucun membre en ligne

Podcast radio vkm

 

Rechèch