• [javascript protected email address]

Radyo VKM an dirèk

Avni Katajena bloke ak wòch, bout bwa, fè oubyen tout kalite debri yon bò, kawotchou ak boule, gwo komès la paralize, yon moun arete, branch bwa, pankat ladan yo ekri: Aba Gabriyèl, raketè, piyajè, malfektè. Mache Kay Fè pa pou vann. Aba FMI ... se konsa timachann yo manifeste pou yon 3zyèm fwa nan komin Okay.

 

Machann yo ki te gen plizyè lòt sektè akonpaye yo, bann rara san konte pawòl pike kont otorite lokal kou nasyonal yo pou di Mache a p ap kraze jan konsèy minisipal la ki gen Gabriyèl Fòtine nan tèt li ak madan prezidan enkilpe Martin Moyiz vle fè li a.

 

Madi 15 me 2018 la, reyini byen bonè sou plas dam Okay pase nan kèk ri, manifestan yo te pral  kontre bab pou bab ak majistra ki te jwenn bon jan kouvèti fòs lòd yo pou anpeche kontestatè yo rive mete men sou li pou jan tansyon an t ap monte a.

 

Lonje boulva 4 chemen tonbe nan Avni Katajena lapolis te pral arete yon patisipan ke anpil moun konnen sou non Bèrtoni. Sitiyasyon sa a te pral fè manifestasyon an kanpe nan kafou ri Jeneral Maryon ak avni Katajena pou te eseye pran prevni nan men polisye yo ki te pati vit vit ak li. Kontinye kannale desann manifestan yo vin pi andyable nan di yo pral chache Bèto nan komisarya Okay la.

 

Tantativ echwe, paske kòdon lapolis/ UDMO, bloke yo nan pwent antre ri Tousen Louvèti bò tanbou a yon lòt fwa ankò. Fache, yo te pral kase tèt tounen, kontinye desann Avni an kote yo te bloke wout la ak tout sa yo te jwenn sou pasaj yo epi menm rive defye lapolis depi kèk mwa ki anpeche tout manifestasyon pase sou premye ak dezyèm gran ri yo. Yon entèdiksyon ki kontrè ak sa manman lwa peyi di. 

 

Alèkile, otorite yo ki ap kontinye tout boulin nan pwojè 3 lèt FMI/ Newoliberal la soti pou privatize tout atou kolektivite yo, konpayi nasyonal yo pou bay yon tigwoup banbile jan sa fèt ak Teleko, Minotri dAyiti jan sa kòmanse fèt ak  EDH. 

 

Tank jou yo ap pase, tank mesas yo ap ogmante pou kraze nich penitans malere/malerèz yo se tank timachann yo ak lòt sanble ap rann yo kont batay la dwe pran yon lòt dimansyon anfas otorite yo ki soti pou koupe bra yo nèt nan fason y ap aji.

 

Maks - Enmbèr Marslen, VKM

Ajouter un Commentaire


Code de sécurité
Rafraîchir

OPEN

Friday - May 25, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 9 invités et aucun membre en ligne

Podcast radio vkm

 

Rechèch