• [javascript protected email address]

Radyo VKM an dirèk

Pankat, drapo divès kalite bann rara komin nan ap flote. Pawòl  piman bouk kont konsey Minisipal Okay la, anpatikilye kont majistra chèf wonflè Jan Gabriyèl Fòtine, Asosyasyon 12 rara yo mache pou mande meri a peye bann yo lajan patisipasyon yo nan kanaval fevriye 2018 la. 

 

Asosyasyon rara yo, pou 3zyèm jounen manifestasyon sa a pase douvan kèk enstitisyon tankou: delagasyon Sid, direksyon zafè sosyal, palè jistis pou mande otorite sa yo di yon mo nan kalamite yo. 

 

Daprè youn nan responsab ki pale ak radyo VKM di yo te soti bay gwo popilasyon an plezi nan peryòd kanaval la, yo te fè depans, achte abiman kou enstriman. Lajan yo deyò sa gen pliske 2 mwa, yo gen dèt jouk jounen jodi yo pa ka peye epi mizisyen yo dwe leve men met nan bouch.

 

Si gen 5 milyon goud ki debloke, tandiske pat gen dyaz sou cha, se yo menm sèl ki te nan lari a , yo pa ka konprann pouki se sèlman gran manjè nan meri a ki pou fè bap piyanp sou lajan sa a. Yo pwofite di konsey sa a p ap itil kolektivite a anyen, sinon banbile nan lajan taks malere yo oubyen gagote lajan ak akolit parey yo jan sa te fèt ak lajan bal Twopikana a oubyen detounen lajan ed imanitè fondasyon Gaskòv Klèje a aprè pasaj siklòn Matyou mwa oktòb 2016 pase a. 

 

Asosyasyon 12 rara yo di metye yo se woule tanbou, graje graj ak pouse van nan pistòl Pou lajan sa a yo fenk kare pile beton an jiskaske meri a peye lajan kanaval yo travay pou li a. Se pa yon kado.

 

Demare nan baz feeling rara, ri jeneral Maryon manifestan yo mache nan divès ri nan vil la. Eskòte douvan kou dèyè ak inite ki pou mete lòd (IDMO) anvan yo al tonbe fas pou fas ak pil lòt ladan yo milis polis minisipal la ki bare nan pwent antre lokal meri a ki chita nan ri Du Quaie a, pa bay kontestatè yo lougal pou rive delivre douvan l mesaj yo vle ki pou rive nan zòrey majistra yo. 

 

Lè otorite yo nan mod leta sa a bezwen sèvis yo nan voye yo monte, rara yo ki soti nan katye popilè yo toujou la nan bay ochan. Men lè rara yo ap revandike se menm yo menm nan Leta ki bare rara yo. Li klè Fok rara yo chache pwop Leta pa yo nan eklate sistèm leta pouri sa a. 

 

 

Maks- Enmbèr Marslen, VKM

Ajouter un Commentaire


Code de sécurité
Rafraîchir

OPEN

Friday - May 25, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 12 invités et aucun membre en ligne

Podcast radio vkm

 

Rechèch