• [javascript protected email address]

Radyo VKM an dirèk

Jan sa te anonse, kèk moun nan popilasyon an pran lari pou denonse youn nan konpayi miltinasyonal nan zafè kominikasyon telefòn. Konpayi sa a k ap fonksyone nan peyi a sa gen pliske 10 lane ap woule jan l vle sou gwo popilasyon an toupatou nan peyi a.  

 

Depi granm bonè maten dimanch 6 me 2018 la tout bagay te sou plas pou te demare ak manifestasyon  sa a. Gaye pasi pala, anba Kyos, machin lapolis, yon tan mare, lapli yenyen sitwayen ensèten, se konsta radyo Vwa Klodi Mizo fè sou plas Dam Okay la. 

 

Patisipan yo ak manm Rasanbleman Fòs Òganizasyon nan Sid/ RAFÒS, pankat nan men, ladan yo nou te ka li: < Aba Digicel>, < Aba Digicel, sispann vòlè lajan kat nou>, <Aba sèvis pise chwal sèvis Digicel la>, elatriye. 

 

Sou demand ajan PNH/Sid, ki pat ka tann, òganizatè yo malgre menas lapli a kite lye rassnbleman an bò 10: 40 konsa. Yon lòd anpil lòt pa konprann paske lapolis pa gen dwa sa a. Li gen pou l akonpye manifestan yo senpleman lè yo santi yo prè pou demare.  

 

Manifestan yo ki pat sanble detèmine pou te afwonte lapli a paske yo pa t gen okenn tapi ni parapli yon bò oubyen se menas inondation vit vit vil Okay aprè kèk minit lapli senpleman akòz pwoblèm kanalizasyon ak kiraj ki pa fèt nan moman pou sa fèt, yon lòt bò, te oblije yo mete fen nan manifestasyon an nan ri Chatoden tonbe nan avni Katajena. 

 

Kèk òganizatè: Carvens Dieusel Laguerre ak Jorel Louis kou patisipan ki pale nan mikwo VKM di yo deja pare pou yo reprann lari a kont dechèpiyè yo paske si pa gen sitirè pa gen vòlè. Dayè otorite yo nan pi wo Leta prive-prive a okouran zak vwadfe, briganday konpayi Digicel la, anyen pa fèt pou rale konpayi miltinasyonal sa a sou kòd. Boujwa se Leta, se Leta se boujwa zafè malere/malerèz yo. 

 

Leta sansi a nan mwa pase yo siyen akò ak 3 lèt FMI. Se okazyon anplis pou kontinye likide konpayi nasyonal yo bay koniflèt boujwa lokal kou miltinasyonal yo k ap foure peyi a pi fon nan keksyon newoliberal nan kontinye vann peyi a bay envestisè tout kalite plimay. 

 

Lè tout bagay fin prive nèt gwo popilasyon an pral manke tout bagay si l pa kanpe. 

 

Maks - Enmbèr Marslen, VKM

 

Ajouter un Commentaire


Code de sécurité
Rafraîchir

OPEN

Friday - May 25, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 10 invités et aucun membre en ligne

Podcast radio vkm

 

Rechèch