• [javascript protected email address]

Radyo VKM an dirèk

Machann kay fè Okay pran lari ak branch bwa, pope, pankat, bandwòl nan men yo kont meri a. Se pou egzije Majistra prensipal la Jean Gabriel Fortuné chèf wonflè konstwi anvan lòt mache a, anvan menm li anvizaje kraze mache kay fè a. Se sa radyo Vwa Klodi Mizo (VKM) konstate jedi 26 avril 2018 la 

Manifestasyon an kòmanse bò 9 vè nan maten pou pran fen nan midi. Kèk machann denonse majistra kòm trèt, moun fou ki plede ap kraze depi li monte a san konstwi anyen. Yo panse nen pòt lè san avèti yo majistra a kapab vin kraze mache a, se poutèt sa tou, yo pran devan ki fè yo nan lari jodi a pou kontinye sansibilize rès otorite yo ak popilasyon an nan jeneral sou plan malonèt Gabriel la. E nan lespri pou jwenn sipò yo tout pou ede yo bare desizyon sa.

Youn nan machann yo te akonpaye yon pope ki senbolize pitit li ki abiye ak inifòn youn nan lekòl nan vil la. Kote li poze problèm si mache sa kraze san lòt la pa gantan reskontwi li pral lage nan lari a san travay ak kouman li pral voye pitit li lekòl. Konsa fòk li gen lajan pou l peye chak mwa lekòl la. Fòk li fè bwat manje chak maten pou lekòl ti moun lan. Lè sa nou kapab imajine nan ki cho majistra chèf wonflè lage m. Machann sa tou lonje dwèt sou Fortuné ki se ak boujwa li chita nan kad desizyon k ap pran pou kraze ak rekonstwi yon lòt mache, ki moun k ap kapab gen plas nan mache a san aval pa yo kòm ti machann.

Nan sans sa majistra Gabriel nan kad envitasyon li fè ak kèk machann madi 24 avril 2018 la, li egzije se machann ki gen patant ki pou la, tout lòt ki pa gen sa pa ladann. Sitiyasyon sa se okazyon pou machann yo di majistra a se yon estrateji l ap itilize pou flanke ¾ ti machann yo depi dyab pat ko kaporal yo se ti machann enfòmèl k ap boule solèy anba mache a nan tout move kondisyon yo pou chache lavi pou ka tiye vè nan vant pitit yo. Nou konprann demach la chèf wonflè n ap reziste anfas plan w lan ki se pwan espas la nèt nan men nou pou bay gwo zotobre.

Youn seri lòt machann montre gen plizyè envitasyon yo fè a meri a devan lajistis pou vin bay aspè legal desizyon pou kraze mache a ak tou pou montre kote sa chita sou respè dwa machann yo (dwa moun) li pa janm reponn prezan. E jiris pa pran mezi nesesè yo pou ta fè li vini. Se siy ki montre nan aplikasyon lalwa nan komin nan sa ap fèt ak fòs kote. Lè se ti machann yo atò konsa yo t ap deja dèyè bawo lajistis.

Aplis toujou lè yo voye lèt bay meri a, otorite yo nan lakomin fè gwo menas sou isye osinon avoka pote lèt la ale. Se sa ki pase pandan 2 jou nan kòmansman semenn 23 avril la.

Pou kounye a genyen yon kif kif ki ap fèt ant meri a ak ti machann yo, kote youn pa rive chita ak lòt malgre inisyatif youn oubyen lòt ap pran sou bò pa yo.

Nan semenn 23 avril la youn nan manm komite ti machann nan di yo pat deside reponn nan randevou meri a fè yo madi 24 avril la se akoz te genyen konfizyon nan dat ak jou responsab yo te chwazi. Yo mete madi 23 avril, men se lendi ki te 23 avril la. Anplis toujou lòt rezon ki fè yo pa t ap kapab la nan rankont sa, se akoz yo mande meri a tout diskisyon pou yo genyen ansanm ak li fòk sa fèt nan  espas ki pa espas lakomin nan. E majistra Gabriel toujou deside se nan meri a pou sa fèt.

Pou sa nou konnen meri a sou nenpòt 3 echèk nan kad chita tande l ap anvizaje ak ti machann yo.

Pat senpleman revandikasyon ti machann yo men genyen kek lot moun nan popilasyon an sou pankat pa yo ap reklame plis elektrisite nan komin lan. 

 

Jean Claudy Aristil

Ajouter un Commentaire


Code de sécurité
Rafraîchir

OPEN

Tuesday - October 23, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 13 invités et aucun membre en ligne

Podcast radio vkm

 

Rechèch