• [javascript protected email address]

Radyo VKM an dirèk

Maraton Okay pakou Kavayon -Okay 21 kilomèt  reyalize premye edisyon l anba gwo wounounou ant plizyè sitwayen sou wout nasyonal #2 a kou vil la ak fòs lòd yo. 

 

Sitwayen sa yo  proteste kont desizyon dezekilib lapolis pran ki bloke yo nan aktivite chak jou yo byen bònè nan maten dimanch 15 avril 2018 pou aktivite kous apye a soti 5 kè pou rive 11 zè nan maten. 

 

Anpil moun ki pale nan mikwo radyo VKM di yo pa kont aktivite espòtif sa a. Dayè se pa premye nan komin yo kou nan depatman Sid an, ap mande tèt yo pouki gen tout mobilizasyon entèrese sa a? Pou konbyen atlèt? Elatriye. 

Ajisman Lapolis ak komite a nan lide pou montre gen yon bagay k ap fèt bliye si se sèl wout nasyonal la ki konekte komin yo antre yo nan yon aktivite ki ka pa konsène tout moun kou gen anpil disiplin espò. 

 

Fèmen yon vil  soti kalfou Orèl  pou 4 chemin se pa grav paske gen lòt wout pou antre soti nan vil la. Yo kontinye pou di, yo gen nan memwa yo kous moto kou machin ki konn fèt sou pakou sa deja nan vil la kou pou sa k ap pedale bekann. Men kanta pou wout Nasyonal la menm yo di yo pa konprann pouki otorite yo bloke yon sèl wout soti 4 chemin pou rive Kavayon. Mezi gwo ponyèt sa a pase dwa  pou yo sikile anba pye swete responsab yo pran nòt pou yon lot fwa aktivite yo a pou pa gen dezagreman.

 

Chay sou tèt, timachann yo sòt Loran, Fogas elatriye ap kannale desann apye pou rive nan vil la pou vin vann ti penitans yo. Lòt ki pat kapab fè egzèsis fòse sa a rèt louvri ti komès yo bò lakay yo oubyen nan korido paske yo pa gen dwa bò wout la. 

 

Yon lòt kote ekip siklis Harry Staco/ Ari Estako ap antrene a denonse zak britalite lapolis sou komisarya pòs Bèjo a fè sou yo pandan yo te vin bay patisipasyon yo kòm atlèt nan maraton Kavayon/Okay la. Siklis yo te gen pou yo pote dlo bay atlèt k ap kouri yo ak ankouraje yo. 

 

Youn nan viktim yo Frantzy Appolon/ Frannzi Apolon chanpyon nan dènye konpetisyon ACCA te oganize a kritike zak britalite kote polisye a pouse l al tonbe atè epi pran veyikil Espò a voye l jete nan yon pyebwa. Zak sa a touche l paske san envitasyon yon manm nan estaf òganizatè maraton an Harold Édouard/ Awòl Edwa, ekip la pa t ap la sou pakou a, swete lapolis sispann ajii dri dri sou sitwayen yo. Erèzman aklèt yo kou veyikil espò yo pa pran gwo domaj te kase tèt tounen aprè zak enpektè polis la. 

 

Kontravansyon sou kontravansyon, sezi kle moto pou sila yo ki brave danje rejiman lapolis la nan konte moleste sitwayen yo. Lapolis Sid mobilize UDMO, polis administratif kou polis milis Minisipal Okay la pou te kenbe gwo popilasyon an deyò maraton chache lavi chak jou.

 

Konpetisyon entènasyonal semi maraton 21 kilomèt sa a malgré tout batri sansibilizasyon fèt ak patisipasyon yon ti lostyè, tizing 144 atlèt amatè ladan yo 13 fi.

 

Chif sa a montre aklè pa gen yon politik espò nan peyi a pou kèlkeswa disiplin lan. Sila a ki premye a Petrus Cesarion fè pakou a nan 1nè 15 minit bò kote fanm yo menm se Rosemonde Bazile ki rive antèt nan 1nè51 minit. 2 tan sa yo montre gen atlèt  nan disiplin senp sa a ki ta dwe jwenn ankadreman. 

 

 

Maks- Enmbèr Marslen, VKM.

 

Ajouter un Commentaire


Code de sécurité
Rafraîchir

OPEN

Wednesday - June 20, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 27 invités et aucun membre en ligne

Podcast radio vkm

 

Rechèch