• [javascript protected email address]

Radyo VKM an dirèk

Nan desandelye brital lapolis nan depatman an yon mwa kèk jou apre lanmò sispèk komèsan jude Joseph/ Jid Jozèf deja  fè yon mò,  kèk arestsyon san konte laperèz ki anvayi gwo popilasyon an nan komin Tòbèk, lokalite Kawout  daprè enfòmasyon sal nouvèl radyo Vwa Klodi Mizo jwenn nan zòn lan.

Enfòmasyon yo fè kwè depi 22 jou konsa plizyè inite nan lapolis la, kagoule sou moto kou machin debake vin arete prezime asasen Jid Jozèf yo ki se: Lebonè yon chofè taksi, yon ougan Edwa Modlè, ak wonsi l Jiwo ki li menm mouri anba bal lapolis madi 3 avril pase a nan zòn kanperen.

Jan sa ap pase nan komin nan daprè yon jenn sitwayen pa fin bon. Lapolis  mete sitwayen yo sou presyon paske yo pa konn wè mòd operasyon sa yo nan lokalite a yon bò epi inosan koumanse peye pou koupab paske gen moun ki kouri dezète blòk kay ougan Modlè pou lapolis pa arete yo.

Yon sous nan lapolis la, konfime VKM gen yon ankèt ki louvri sou zak asasinay komèsan an. Se pakè Okay ak Sèvis Depatmantal Polis Jidisye/ SDPJ k ap opere e yo sou yon bon wout pou demantle rezo bandi  gason kou fanm sa a k ap opere nan zòn tòbèk kou lòt kote nan depatman Sid la. Li kontinye pou l di, anpil ka asasinay makiye ak keksyon kiltirèl sa a oubyen mistik yon fason pou krim yo san fay, pafè nan je gwo popilasyon an. Lapolis detèrmine pou chache bandi yo, fouke yo epi trennen yo douvan lajistis yon fason pou kriminèl yo peye pou zak sa a. Keksyone l sou ka wonsi a, Jiwo ensikoni ki tonbe anba bal lapolis, sous la fè konnen gen yon ankèt entèn ki louvri  pou detèmine responsablite yo.

Antouka, aksyon yo, konn pa inonsan.  Lè krim sa yo rive fèt sou prezime asasen yo se yon mannyè pou pa rive jwenn tout  moun lwen kou pre ki ta enplike nan planifye oubyen egzekite krim yo.

 Jid Jozèf pa t ap viv nan komin Okay kou tòbèk . Men se pitit depatman an paske  li fèt nan komin Anikè. Li te gen 40 lane. Enfòmasyon yo ta fè kwè move adres yon lòt ougan li te vin peye pou yon travay te pouse l al chwe kay ougan Edwa Modlè nan Kawouk. Nan nwit lendi 19 fevriye pou louvri madi 20 fevriye 2018 pase, popilasyon an sou Wòch, plaj Jele leve jwenn kò sitwayen an abiye ak rad koulè blan, kouche sou yon sak kòlèt san mak kou vizib epi ba nan pye li yo pa gen okenn mak sab. Alòske machin viktim nan, yon kia, AA 06927 te kanpe yon ti distans ak li.

Antouraj viktim lan ki pale ak radyo VKM, di madam viktim lan te mande pou otopsi  kadav la fèt anvan yo antere l, yo pa konn twop nan bagay sa a. Men sa y ap tann se pou  SDPJ ak sibstiti kominè a Ronald Richemond byen mennen ankèt la, byen monte dosye a pou Jid Jozèf ka jwenn jistis.

Kote pa gen laboratwa syantifik ni medsen lejis pou analize kadav yo pou pote prèv materyèl yo, elatriye. Se yon fenèt anpils pou avoka ak jij k ap mennen afè sa yo ka pase lib elibè pou libere prezime asasen yo anvan kou nan jijman.

 

Maks- Enmber Marslen / Max- Imbert Marcelin, VKM

Ajouter un Commentaire


Code de sécurité
Rafraîchir

OPEN

Thursday - April 19, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 23 invités et aucun membre en ligne

Podcast radio vkm

 

Rechèch