• [javascript protected email address]

Radyo VKM an dirèk

Administrasyon lopital Brenda Strafford fèmen pòt li mèkredi 4 avril 2018 la, swit a 1er jounen grèv madi 3 avril la kote anplwaye yo kanpe travay, k ap reklame depa administratè Magalie Edma Constant. Se sa radyo Vwa Klodi Mizo (VKM) konstate.

Se senpleman sal ijans nan ak kwizin nan ki fonsyone pandan 2 jou dezagreman yo.

Paran 2 pasyan ta swete grèv la leve paske malad pa yo andifikilte pou opere. Ki donk yo ta sipoze opere depi madi 3 avril la.

Kèk pasyan te vin dèyè swen, osinon te gen randevou nan lè sa yo fristre pou tèt sèvis yo pa fonksyone, sitèlman se lajan yo te gentan bay pou kat, deplase dosye yo vin remèt yo kèk tan aprè. E tandiske yo pèdi yon pakèt tan, yo soti byen lwen, yo menm rive dòmi nan lavèy jou nan depo sou glasi lopital la ak tou pakèt lajan yo depanse pou transpò, manje pou yo la nan randevou a epi se konsa sa pase.

Nan lakou lopital la nou ta kapab wè bonbon siwo, digo, gonm bouji. Pou anplwaye yo se maji responsa yo ap bouyi pou ka fè yo dou osinon dòmi nan je yo pou yo ka kraze yon kite sa.

Anplwaye yo  nan yon entèvyon yo bay laprès maten mèkredi a fè remake jounen grèv sa yo se akoz nouvo administrasyon sa monte pri tout sèvis yo, se machin konpayi prive yo lwe pou fè sèvis la nan plas machin lopital la genyen menm pou  sa. Se nan famasi deyò lopital la pasyan yo oblije al achte medikaman byen chè koz yo pa jwenn li andedan an. Mateyèl nan sèvis yo pa renouvle menm lè yo kraze. Detanzantan l ap revoke anplwaye yo nan sèvis yo. Kèk jou sot pase la li revoke Soeur Félicité Monplaisir ak Jean Baptiste Coquillon san oken rezon valab. Et se pou tout rezon sa yo y ap mande depa administrasyon an, toutotan sa pa fèt yo p ap reprann travay.

Depi lè yo nan leve kanpe a yo pa jwenn pyès responsab vin di yo sa y ap deside parapò a revandikasyon yo a.

Jounalis yo pou konnen ki sa responsab yo panse konsènan 2 jounen grèv anplwaye yo e pou ki rezon li fèmen pòt lopital la, yo pa t kapab jwenn okenn dirijan yo. Depi ayè pòt administrasyon an te gentan fèmen. Ki donk se aprè entèvyon anplwaye yo genyen yonn nan ajan sekirite yo ki vin di responsab la fèmen lopital la ak li bay li lòd pou pesonn moun pa antre lopital la, li te mèt se jounalis. Konsa li mande pou tout moun soti deyò. E n ap di se anba redi li vin site nan responsab la Magalie Edma Constant ki pwan mezi sa yo.

Anpil nan anplwaye yo genyen regrè yon seri administratè etranje avan, pou fason yo konnen yo t ap fè lopital sa  byen mache. E ki diferan jounen Jodi a ak adminitrasyon sa pou jan bagay yo ap mal mache. Yo menm reyalize si lopital la kontinye genyen nan tèt li menm dirijan sa yo, pi devan se sou disparisyon lopital la n ap debouche.

Pou memwa ekipman mateyèl ak medikal lopital Brenda Strafford se yon don kolaborasyon Sante Entènasyonal Québec Canada sou Presidans Dr Raymond Marie Guay M. D nan dat 24 mas 1984.

Ak tou enstiti sa se yon anèks lopital jeneral Okay.

Premye administratè lopital Branda Straffort nan se: Soeurs Evelyne Trembler kote li pase 25 lane ap dirije lopital sa.

Avèk enfòmasyon sa nou genyen la nou ta kapab di pou wotè lopital la te ye e pou nan twou li ye jounen Jodi a, se plas responsab yo sanble ap fè pou privatize lopital la. Strateji dirijan yo toujou itilize anpil fwa se sabote osinon degrade enstitisyon leta yo pou montre sa pa janm kòrèk lè li piblik. Men lè li privatize sa byen. Fòk nou di tou  Genyen bann manti ki kache dèyè sa yo a, anpil fwa reyalite a montre se fo. Se menm estrateji sa yo te itilize pou privatize: teleko, ona, siman dAyiti, asyeri, minotri k ap kontinye aplike pou de lòt enstitisyon piblik tankou lopital piplik yo ak edh elatriye. Tout sa yo antre nan demach plan neyoliberal la.

Plis mizè ak plis chomaj pou malere/malerèz. E plis konsantrasyon richès, pouvwa ak privilèj pou grannèg (boujwa).

VIDEO : 

Jean Claudy Aristil

 

 

 

Ajouter un Commentaire


Code de sécurité
Rafraîchir

OPEN

Friday - May 25, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 21 invités et aucun membre en ligne

Podcast radio vkm

 

Rechèch