• [javascript protected email address]

Radyo VKM an dirèk

 Plizyè santèn ti machann kay fè nan Okay manifeste kont chèf  wonflè majistra Jean Gabriel Fortuné madi 27 mas 2018 la. Y ap reklame pou chèf wonflè a fè bak sou mache kay fè a li anonse li pral kraze a. Machann yo te avèk pankad, branch bwa nan men yo, kote yo t ap kriye majstra Gabriel ak Martine Moïse se kraze y ap kraze san konstwi. Mache kay fè kote yo fè diskòb pou lavi pitit yo a pa ladann. Se sa radyo Vwa Klodi Mizo (VKM) konstate.

Daprè machann yo se vandredi 23 mas la majistra ansanm ak madanm prezidan an di yo ap kraze mache a pou yo rekonstri li nan tèren kasyèl la e yo tou depoze yon wòch pou lansman pwojè a. Se menm tèren sa depi sa genyen kèk mwa Gabriel mete la pou deplase yon seri machann ki nan lari, men machann yo pako janm deside deplase.  

Yo denonse Pratik demagòg majistra Fortuné ak premye dam nan Martine Moïse ki mache ranmase yon pakèt moun sou lakot sid la vini avèk yo nan kay syèl  pou rasanbleman nan kad lansman pwojè mache a. Etandiske yo menm machann Okay ki se prensipal konsène a, yo bay yo lapawòl . Lè Martine Moïse wè sa twò kri li mande pou 3 machann nan mache kay fè a te ka vin di mo pa yo, chèf wonflè Gabrièl anpeche sa. Konsa gen kèk moun ki wè Pratik sa sanble tèt koupe ak Pratik ansyen rejim divalyeris la ( Bebi dòk Ak Papa dòk ) 

Manifestasyon an kòmanse bò 9vè nan maten ki vin bout bò 11zè nan maten devan mache kay fè a.

Kèk biznismann ki gen aktivite yo alantouraj mache kay fè a ( makèt, boutik, magazen ) pa byen wè majistra Fortuné jounen jodi a, menm lè kèk nan yo rekonèt yo te vote l. Pou yo menm yo reyalize mezi ak dispozisyon chèf wonflè a deja, ap, kontinye fè ak pran pa fè komin nan avanse okontrè se bak nou asiste komin nan ap fè pi rèd depi katèl Gabriel la monte a. Sa ki menase yo la se dispozisyon majistra a pran la pou kraze mache a nan mwa k ap rive la yo e si sa rive fèt yo mèt tou fèmen pòt biznis yo, paske deplasman mache a pral fè aktivite yo nan anviwon an pa p mache. Yo tou prè pou rejwenn machann mache kay fè yo k ap mobilize kont pwojè chèf wonflè Fortuné a. Se sa nou rache nan dyòl yo lendi aprèmidi 26 mas la.

Nan dènye mwa sa yo nou ta kapab di sou yon 40tèn moun nou ta pran opinyon yo sou kalite jesyon katèl Gabriel  ap fè de komin Okay la. Pa sezi tande se 10 sou 40tèn lan ki ta vle dakò ak li.

 extre video  :

Jean Claudy Aristil

 

 

Ajouter un Commentaire


Code de sécurité
Rafraîchir

OPEN

Friday - May 25, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 23 invités et aucun membre en ligne

Podcast radio vkm

 

Rechèch