• [javascript protected email address]

Radyo VKM an dirèk

Bòkò Noel Fénold, alyas Titi Ougan Pointdijour Charnel, Wonsi Chéry Acaau, Derosca Robenson, Poindijour Sergot, Dénis Ronald, Lorcy Julienne, Janvier Nadine, Pointdijour Ismane. Pako pase devan jij natirèl yo depi anviwon 4 jou yo nan gadavi komisaya okay la. Se sa radyo Vwa Klodi Mizo (VKM) konstate nan kad swivi l ap fè sou anviwon 9 moun sa yo ki akize nan asasinay Julio Noradin ak Michelet Bauzil vandredi 9 mas 2018 la nan lakoyè/ bouri 1er seksyon komin tòbèk.

Dapwè konstitisyon Ayisyèn nan delè legal la se 48tè. Ki donk depase lè sa nou tonbe tout boulin nan vyolasyon dwa prezime koupab yo. E sou baz sa akize yo kapab benefisye libète yo an atandan. Konsa sa kapab genyen gwo konsekans sou fanmiy viktim yo ak rès popilasyon an k ap tann lajistis fè tout sa lalwa rekòmande, nan delè nòmal pou pini tout koupab.

Ankèt nou yo te mennen nou yon lòt fwa nan komisaya okay pou konnen kisa ki kontinye fèt nan dosye krim sa. E se lè sa jedi 15 mas la yonn nan enspektè yo fè nou konnen yo gen 48tè pou yo trete dosye moun yo, men yo pako voye yo lajistis.

Konsa tou nan menm jounen jedi a mwen te ale kote komisè gouvènman okay la Raymond Berjeaud li pa te nan biwo li, sa pa nouvo, li pase plis tan lakay li ke lè travay sa. Sa pako rive anviwon yon lane li la pou nou rankontre ak li nan kabinè l, malgre plizyè kout pye nou  deja fè nan enstitisyon l ap dirije a.  Anfen kont se grèv pakè a ki di nou yo pako genyen dosye 9 moun sa yo ki arète yo ki vini nan pakè a.

Nou pa jwenn enfòmasyon klè jiskounye a pou konnen ki lè sispèk sa yo ap wè jij yo.

Toujou nan faz ankèt yo nou te rann nou nan mòg nòtredam pou verifye tèt kadav yo direksyon PNH sid la te di nan laprès madi a yo voye yo nan antrepriz sa aprè yo te detere yo nan peron ougan Pointdijour Charnel nan formon lendi 12 mas la. Yon nan response enstitisyon te di nou, nou pap kapab wè yo nan moman sa paske chanm fwad la gentan fèmen, li montre nou yon ti videwo kigen tèt yo. Nou remake tèt yo desoche, san zòrèy yo ak kou yo. Responsab la fè nou konnen se konsa  li te resewa yo.

Kounye a n ap tann ankèt lapolis ak lajistis pou di kounye a ki kote kou ak zòrèy kadav yo pase.

 

Jean Claudy Aristil

Ajouter un Commentaire


Code de sécurité
Rafraîchir

OPEN

Wednesday - June 20, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 27 invités et aucun membre en ligne

Podcast radio vkm

 

Rechèch