• [javascript protected email address]

Radyo VKM an dirèk

Mouvman 22 janvye/ M22 pa sezi ditou lè li tande gouvènman ayisyen an te boude rankont ki te fèt nan Nasyonzini sou dosye kolera a nan dat 28 fevriye ki sot pase a. Soti nan prezidans Preval pou rive nan Jovenel Moise, otorite ayisyen yo te toujou gen yon konpòtman manfouben oubyen pran pozisyon dirèkteman pou okipan yo nan dosye kolera a olye yo defann peyi a ak viktim yo.

Depi sòlda Nasyonzini yo rive nan peyi a, pèp ayisyen an, sitou moun nan klas popilè yo, pat janm sispann viktim anba zak abitrè sòlda MINISTA yo. Masak nan katye popilè yo, kadejak sou jenn fanm ak jenn gason, debakman gwo ponyèt nan Inivèsite a tankou yo te fè sa nan lane 2009 kote yo te arete yon etidyan andedan Fakilte Etnoloji. Nan lane 2010, Sòlda MINISTA yo te menm rive pann yon jenn gason, Gerald Jean Gilles nan pwòp baz yo nan Okap. Pigwo krim sòlda MINISTA yo fè nan peyi a, se epidemi kolera a yo pote ki touye plis pase 10 mil moun epi voye anviwon yon milyon moun al kouche sou kabann lopital.

Malgre dega sa yo, malgre mannigèt Nasyonzini fè pou montre kolera a pa soti lakay yo pa rive pase, malgre tout rechèch sou kolera a montre aklè se sòlda Nasyonzini ki pote kolera, malgre mobilizasyon ki fèt Ayiti ak lòtbò dlo oblije Nasyonzini rekonèt se limenm ki pote malè pandye sa a sou tèt pèp ayisyen an, dirijan yo pa janm montre toutbon, yo gen volonte pou defann pèp ayisyen an. Okontrè, pouvwa Tèt Kale a te toujou jwe wòl avoka Nasyonzini nan dosye a. Se nan menm sans sa a nou konprann konpòtman mafouben, ki mele m pouvwa Moise / Lafontant an nan dosye kolera a.

Noumenm nan Mouvman 22 Janvye, nou konprann byen poukisa sòlda ak polisye Nasyonzini yo, kit li pote non MINISTA oubyen MINIJIS, toujou jwenn pwoteksyon dirijan ayisyen yo. Nan pifò eleksyon ki fèt yo, peyi enperyalis yo, Nasyonzini ak boujwazi lokal la toujou mete nan tèt peyi a, yon seri dirijan konwonpi ki mare nan pye tab yo pou yo ka toujou kenbe peyi a anba grif yo epi piye richès peyi a jan yo pito. Konsa, dirijan sa yo pa janm ka leve tèt pou yo gade mèt yo nan je. Lè dirijan yo resi leve tèt yo, se sèlman pou yo defann tèt yo kòm konwonpi jan sa fèt sou dosye Petrokaribe a apre entèvansyon reprezantan espesyal fòs okipasyon Nasyonzini an ki chanje non nan fen lane 2017 la.

Nou menm manm M22, se nan batay pèp la nou kwè. Nasyonzini ki se yon bwat kòripsyon ak eskandal seksyèl, pa ka ede nou rezoud ni pwoblèm kòripsyon ak pwoblèm kolera san mobilizasyon pèp ayisyen an. Dirijan restavèk yo tou pa ka rezoud pwoblèm sa yo san nou pa mobilize. Se pou sa, n ap kontinye mande pèp ayisyen an, klas popilè yo sitou ak katye popilè yo, se nou menm menm ki pou mobilize kont Leta konwonpi a ak tout konwonpi ki nan tèt Leta a epi pou nou fòse pouvwa anplas la ak Nasyonzini pou yo pran responsablite yo nan dosye kolera a pou peyi a ak moun ki viktim yo jwenn reparasyon.

Pou M22 :

Guy Numa                                                        Jean-Wesner Noel

Ajouter un Commentaire


Code de sécurité
Rafraîchir

OPEN

Wednesday - June 20, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 28 invités et aucun membre en ligne

Podcast radio vkm

 

Rechèch