• [javascript protected email address]

Radyo VKM an dirèk

Bòkò Noel Fénold, Chery Acaau ak Pointdijour Charnel  deklare  se yo menm ki asasinen Michelet Beauzil ak Julio Noradin weenk end pase a. Se sa radyo Vwa Klodi Mizo rache nan dyòl mesye yo madi 13 mas la nan komisaya Okay la, nan moman kèk jounalis t ap poze yo kesyon sou kadav 2 viktim san tèt yo lajistis ta trouve nan peristil ougan Noel alyas Titi nan lakoyè komin tòbèk  ak  tèt kò yo otorite yo al trouve nan peron divinò Pointdijour Charnel nan lokalite Formon menm komin lan.

Sèl bagay 3 prezime yo pako kapab rive antann yo sou li, se kiyès nan yo ki koupe tèt 2 jèn gason sa yo. Ak kiyès ki te mete tèt yo ak  kò yo nan twou. Se anpil diskisyon nan mitan yo kote yonn ap akize lòt se ou menm, se ou menm ki te koupe tèt.. se ou menm, se ou menm ki te mete tèt yo nan twou.

Men Titi li menm esplike anvan yo te koupe tèt moun yo, yo te bay moun yo bwè yon te ki fèt ak vèvenn plis pispite. Te sa se premye etap pou te rive nan koupe tèt yo. Paske sa fè mesye yo tonbe vant ba atè kote yo pèdi konesans yo. E kote li avanse toujou se li menm ki te konpoze te a.

Bòkò Pointdijour li menm fè konprann se depi nan jedi 8 mas la nan lavèy krim lan li te resevwa vizit ougan Titi lakay li nan forman nan moman li t ap fouye yon twou pou mete poto e menm kote a misye fè li pwomès l ap pote yon ti bagay pou li pou l ka chofe peron li (biwo) nan kad bal lwa li genyen pou li òganize. Epi se konsa li gade nan vandredi aswè Titi akonpaye wonsi li Chery Acaau ak yon sak nan men li kote yo ale ansanm mete 2 tèt jèn sa yo nan twou a. E li pat menm konnen si se te tèt moun ki nan sak la.

Wonsi a Chery Acaau ta di li menm jou sa li pat lakay Titi. Se nan aswè nan lari li rankontre ak li. E se nan moman sa li mande li pou  akonpaye l ansanm ak franzou sou 2 motosiklèt ak yon sak nan men yo pou ale lakay ougan Chanrnel nan formon. Se nan lè li rive li wè se tèt moun ki te nan sak la.

Titi di toujou rezon mistè St Mityl ki danse nan tèt li te bay 2 mesye yo te a se te pou pwoteje yo kont malè ki ta kapab rive yo parapò ademann yo te vin fè a, ki  se te jwenn lajan motosiklèt la ki volè a nan men li kòm ougan nan echanj moun ki volè motosiklèt la lwa ki danse nan tèt li a ap pran zonbi volè a. 

Mario Aubertjuste direktè depatemantal lapolis sid ta deja anonse pou kounye yo arète 9 moun anviwon ki nan gadavi komisaya okay la, nan kad ankèt y ap mennen sou asasinay Michelet Bauzil ak Julio Noradin. PNH sid la arète yonn nan yo dimanch 11 mas la e 7 lòt yo nan lendi aswè 12 mas la. E y ap fè tout sa ki posib pou voye prezime koupab yo devan lajistis nan lè lalwa prevwa sa. Non moun ki arète yo se: Bòkò Noel Fénold alyas Titi, Ougan Pointdijour Charnel,Wonsi Chéry Acaau,Derosca Robenson,Poindijour Sergot,Dénis Ronald,Lorcy Julienne,Janvier Nadine,Pointdijour Ismane. Ki donk ta genyen 3 fi ak 6 gason nan kad arestasyon sa. 

Direktè depatmantal polis sid la fè remake y ap kontinye ak envestikasyon yo pou jwenn plis enfòmasyon sou asasinay 2 sitwayen sa yo.

 video 

Jean Claudy Aristil

 

 

 

Ajouter un Commentaire


Code de sécurité
Rafraîchir

OPEN

Friday - May 25, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 29 invités et aucun membre en ligne

Podcast radio vkm

 

Rechèch