• [javascript protected email address]

Radyo VKM an dirèk

 

 

Lèt tou louvri pou Komite Kanaval la

Mesyedam manm komite kanaval la,

Jan nou ka konstate li, anpil sitwayen nan plizyè vil nan peyi a, patikilyèman Jakmel, Gonayiv ak Pòtoprens ap leve kanpe kont patisipasyon Gwoup mizikal Sweet Miky nan kanaval la. Noumenm òganizasyon manm Mouvman 22 Janvye yo, nou apiye kare bare demach sa yo k ap fèt kont patisipasyon Sweet miky nan kanaval la.

Se nan menm sans sa a nou ekri komite kanaval la, pou nou mande w retire gwoup mizikal sa a nan kanaval la sou tout teritwa nasyonal la pou rezon nou pral di la yo :

1)   Peyi a bouke ak mo sal / pawòl fatra Michel Martely / Sweet Miky ap mache di sitou koze kont fanm, nan divès prestasyon l ap fè nan peyi a. Nou pa kapab ap depanse lajan peyi a pou fòse jèn yo ak timoun yo tande mo sal sa yo. Enstitisyon Leta yo, patikilyèman komite kanaval la, ministè lakilti, meri yo epi laprès dwe pwoteje jèn yo kont deriv malsen sa yo. Nou gen responsablite pou nou moralize vi piblik la nan peyi ;

2)   Patisipasyon Michel Martelly / Sweet Miky nan kanaval la, riske kreye deblozay nan kanaval la paske anpil sitwayen fanm ak gason pa dakò ak pawòl chokan, anti fanm, Sweet Miki ap di nan kanaval la. Kidonk, si nou vle pwoteje gwo evennman kiltirèl sa a, li enpòtan pou nou pran dispozisyon pou mete gwoup mizikal sa a sou kote.

Nan sousi w ap konprann demach nou an, nou mande komite kanaval la pou li resevwa salitasyon patriyotik nou ! 

Pou Mouvman 22 Janvye / M22 :

 

Ebens Cadet      

Jean-Wesner Noel    

Olriche Jean pierre     

John Booka Vially

 

Kopi pou : Meri pòtoprens, kafou, Petyonvil, laprès ak òganizasyon Dwa Moun yo. 

Ajouter un Commentaire


Code de sécurité
Rafraîchir

OPEN

Thursday - April 19, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 34 invités et aucun membre en ligne

Podcast radio vkm

 

Rechèch