• [javascript protected email address]

Radyo VKM an dirèk

7 mwa aprè  nominasyon l yon fason sispèk kòm direktè jeneral nan meri Okay la. Revoke l sa gen 15 jou san motif pa majistra chèf wonflè Jan Gabriyèl Fòtine. Konsye Minisipal la nonmen epi enstale Renand Valière/ Renan Valyè madi 16 janvye 2018 la, nan pòs sa a.

Revokasyon Frantz Alix Luben/ Franns Aliks Liben te rive 30 desanm pase a. Yon jou anvan, li te fè fas kare yon lòt fwa ankò ak yon gwoup sitwayen ki pa sispann mande pou meri a peye yo pou patisipasyon yo nan aktivite espotiv fèt Jele mwa dawout pase a ki te dire 8 jou, sa gen pase 4 mwa.

Sitiyasyon sa a ki pat fasil te lakòz ansyen direktè a Liben, anba menas vèbal kouri kite biwo l nan lokal #2 meri a. Kontinye pouswiv li kay paran li yo anvan l te al pran refij nan premye lokal meri a ki sou kontwòl majistra Etienne France/ Etyèn Frans.

Enfòmasyon yo ta fè kwè, ansyen direktè majò jon Lig Desalinyen pou Pwogrè Ayiti/LDPH fas ak tout monte desann sa yo san sekou meri a ki lage l nan woulo. Mouche Liben konsyan kontestatè yo nan dwa yo deklare li pat siyen okenn kontra ak patisipan yo alevwa pou l ta kenbe chèk moun yo ki te nan bidjè aktivite minisipal la san konte li pat jwenn okenn entèdiksyon. Sa ki pouse l kalifye  briganday sa a kòm yon aksyon vagabon e se majistra Fòtine menm ki mete l nan sitiyasyon sa.

Kòm reyaksyon ak pawòl sa a ki ta sanble mal entèprete nan antouraj chèf LDPH a san okenn chita pale ak direktè jeneral la, pran desizyon rapid rapid choute idewològ LDPH a. Aksyon sa, ta vle montre majistra prensipal la sansib pou imaj ak moralite konsey l ap dirije a.

Yon lòt kote, Guy Astrel Joseph/ Gi Astrèl Jozèf, chèf kabinè, bra dwat Jan Gabriyèl Fòtine jwenn revokasyon l dous dous pou koripsyon daprè yon sous radyo VKM ka fè konfyans nan fen mwa desanm 2017 la. Dilijans vit pou revoke ansyen direktè a pou mo Vagabon jou pou jou ta sanble ka pi itil kominote a olye si se te menm dilijans lan pou te pèmèt limyè fèt sou akizasyon koripsyon sa yo epi fouke prezime kowonpi an, pastè Gi Astrèl Jozèf ki gen pliske yon lane depi popilasyon an lonje dwèt sou li. Gi Astrèl Jozèf ta gentan kite peyi a apre revokasyon kase fey kouvri zak li yo selon enfòmasyon yo.

N ap raple w aprè pasaj matonton siklòn Matyou mwa oktòb 2016 pase a, non ansyen  chèf kabinè a kou Konsey Minisipal la pa janm sispann site nan vòlè konntenè tòl, banbile nan èd imanitè pou sinistre yo oubyen detounen fon pou viktim yo tankou fon fondasyon Gaskov Kleje pou achte machin bay kò milis polis minisipal la pwomennen elatriye. Yon akizasyon konsène yo pa janm demanti, sinon eseye pwoteje akize a lè VKM te mande majistra Fòtine avi l sou akizasyon sitwayen yo nan vil la ak 6 sekzyon kominal li yo. Si pa gen sitirè pa gen vòlè, se sa pawòl la di.

Eskandal sou eskandal, desizyon konteste sou konteste nan ajisman meri a kou lòt enstitisyon nan peyi a pa sispann pa kwape revandikasyon reyel gwo popilasyon an. Pwojè dirijan yo se bare malere/malerèz yo nan pran desizyon ki pa kòlmate ak bezwen yo oubyen foure men yo disèt longè nan lajan taks kontribiyab yo, tandiske okenn sèvis tankou : asenisman, sekirite, sikilasyon sitwayen yo, kouran kou pou bay gwo popilasyon an rapò sou antre ak soti konsey la elatriye pa fèt nan komin Okay la. Si gen administrasyon se pou pwoteje akolit majistra a pa pou avansman 3zyèm vil peyi a ki nan fon pi plis.

 

Maks- Enmbèr Marslen, VKM 

Ajouter un Commentaire


Code de sécurité
Rafraîchir

OPEN

Thursday - April 19, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 36 invités et aucun membre en ligne

Podcast radio vkm

 

Rechèch