• [javascript protected email address]

Radyo VKM an dirèk

Sa vle di, dirijan yo panse se lapolis ki pral rezoud kriz Inivèsite a nan plas yo. Apwòch militaris / represif sa a riske anvlimen kriz Inivèsite a. Nou sonje depi 2009 nan kriz medsin nan, sa vle di depi sou Vernet Henry, se te menm apwòch la. Se tranbleman tè a ki te wete kò espesyalize palè nasyonal nan Fakilte a. Moun sa yo te tèlman gen bon rapò ak tret ki rele Preval la, yo te jwenn akò palè nasyonal pou militarize espas medsin nan.

 

Jounen jodi a, Deshommes ak pouvwa Tèt Kale a ap konplote pou mete yon kò polis andedan Inivèsite a. Zanmi Deshommes yo, jwèt pou nou. "Pwogresis" k ap kore Deshommes yo, jwèt pou nou. 

 

M te toujou di tout moun mwen pale ak yo sou kriz Inivèsite a, pa gen anyen Deshommes pap fè pou pòs li a. Menmsi Inivèsite a ta kraze nan mannèv l ap fè yo. 

 

Anverite, nou sèmante 7 fwa 77 fwa, kou sa a pap pase. Nou pa gen dwa kite Deshommes ni kraze, ni makoutize Inivèsite a. M konprann pi byen kounye a, poukisa limyè pap janm ka fèt sou dosye chèk ki disparèt nan Rektora a. M konprann tou, poukisa otorite sa yo oblije kore Blot malgre zak li fè a. Lè rat kay ap manje pay kay, youn oblije kore lòt. Paske, rat konnen, chat konnen. 

 

M sonje nan lane 1995 nou te leve kanpe kont Rektora a. Anpil moun k ap makoutize Inivèsite a te nan leve kanpe sa a. Rektè yo nan moman sa a te demisyone anfas presyon etidyan ak pwofesè nan moman an. Kounye a, se moun sa yo k ap makoutize Inivèsite a pou anpeche leve kanpe fèt nan ILA. Konsa, y ap rann pouvwa anplas la yon gwo sèvis. Okenn leve kanpe ni kont pouvwa, ni kont Rektora a pap ka soti nan ILA. 

 

Men, erezman, se byen konte mal kalkile. Kominote a ap leve kanpe. Paske kou sa a pa gendwa pase.

 

 

Guy Numa

Ajouter un Commentaire


Code de sécurité
Rafraîchir

OPEN

Thursday - April 19, 2018

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 60 invités et aucun membre en ligne

Podcast radio vkm

 

Rechèch