• [javascript protected email address]

Radyo VKM an dirèk

Lokalite Waf mase sou 7tyèm seksyon loran komin Okay, abitan yo kè nan men pou kay yo lakomin Okay ap kraze nan dènye jou sa yo.  Kèk madanm ki viktim rakonte yo pa t okouran,  se pandan y ap rantre yo wè machin bako lodè ap detaye kay yo mòso pa mòso. Zak sa yo kòmanse nan zòn nan depi 8 oktòb rive Jodi a. Pou pi piti genyen 12 kay ki deja andomaje. Se sa radyo Vwa Klodi Mizo (VKM) konstate dimanch 19 novanb 2017 la.

Yonn nan madanm yo fè remake chèf wonflè a Jean Gabriel Fortuné majistra prensipal komin lan di: Li pa genyen pou dedomaje yo. Se devlòpman zòn nan l ap fè. Nan lè yo te abòde li pou te konnen nan ki kondisyon kay yo ap kraze a.

Madanm yo plenyen pou otorite yo pa pran kontak ak yo nan sa y ap regle nan zòn nan. Tout entèvansyon yo se angwo ponyèt nan lokalite a. Yo pran tè jaden, kraze kay  nou san dizon n pou konstwi wout, fè mache, estasyon. Konsa tou gen anons  pou yo reyalize chenn otèl alavni. 

Yo panse yon devlòpman pa kapab fèt pou yon lokalite, san popilasyon zòn nan pa enplike. Omwen pou yo ta kapab di: èske yo dakò oubyen yo pa dakò. Si yo dakò nan ki nivo y ap pote kole. E rive antann ansanm ak otorite yo sou kalite devlòpman k ap bon pou yo. Pou se pa yon bagay k ap kontrenn libète moun yo, ki nan dezavantaj pou moun yo l ap fèt la. Jan nou wè ak fòs dirijan yo ap enpoze abitan yo la. 

Nan kad entèvansyon sa yo ki kotinye fèt la nan waf mase a, moun yo fè remake yo viktim tout jan, menm yon konpansasyon yo pa jwenn bò kote responsab yo. tout envesismam yo te fè nan sans nan yo pèdi li. Lajounen Jodi a yo plis ap vin mennen yon vi mizerab.

Moun yo nan lanbara pou denonse piblikman dirijan yo depi lè a. Koz yo pè:

-          pou represyon pa fèt sou yo. Paske chef wonflè a Jean Gabriel ame yon seri milis li pou anpeche moun yo revandike dwa yo.

-       Konsa parapò ak rimè k ap sikile nan mitan yo, kòm kwa dire si yo ale nan medya pou yo denonse sa, moun ki fè sa yo pa p benefisye nan konpansasyon Gabriel kapab bay si sa rive li ta chanje lide.

Kounye li enpòtan pou nou konnen:

-          Èske meri Okay la gen kalite pou li ekspwopriye osinon pran tè moun?

-          Èske meri a ka deside fè devlòpman nan lokalite yo san yon apwòch kominotè osinon san dizon moun yo?

-       Èske lakomin Okay kapab aji san yon tèks de lwa, oubyen kostitisyon 1987 la, osinon tou  selon kèk prensip ki tabli règ jwèt kolektivite tèritoyal ki pou kore l nan desizyon l ap pran yo.

-          Nan ka kontrè oubyen si zoka pa ta ka kisa ki dwe pran kòm sanksyon kont otorite kominal yo?

-          Kiyès enstans ki la pou mete meri a nan wòl li?

-          Si lajistis se yonn nan enstans sa yo, pou kisa li kontinye fè silans douvan rèl popilasyon Okay la kont tout malvèsasyon meri a ki deja genyen anpil konsekans sou lavi moun yo?

 

Jean Claudy Aristil

 

Ajouter un Commentaire


Code de sécurité
Rafraîchir

OPEN

Saturday - December 16, 2017

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 5 invités et aucun membre en ligne

Podcast radio vkm

 

Rechèch