• [javascript protected email address]

Radyo VKM an dirèk

Tank jou ap pase se tank sitiyasyon anviwonnman peyi a kou depatman Sid la ap vin pi vilnerab, met lavi gwo popilasyon an andifikilte sitou nan fason otorite yo ap aji ki pa kòlmate ak reyalite a.

Dènye lapli ki tonbe sou vil Okay anpatikilye ak zòn ki ozalantou li yo nan senmen  6, 13 novanm 2017 la montre aklè si yon bon politik pa met anplis pita ap pi tris daprè kèk teknisyen agwonòm ki pale ak radyo Vwa Klodi Mizo vandredi 17 novanm 2017 la.

Gwo lapli sa yo menm lè se pa tanpèt tankou sa mèkredi 15 novanm pase a lakoz moun mouri, disparèt, tèt bèt pèdi, mouri, devaste jaden, andomaje, koupe wout nan plizyè komin tankou: Okay, Manich, Tòbèk, Senlwi di Sid, Tibiwon ap repete pi dri toujou nan jou k ap vini yo san konte simaye jem mikwòb.

Sa gen kèk mwa, soti premye jiyè 2017 pase a , “Karavàn Chanjman Kout Pwen” prezidan Moyiz demare nan depatman an. Preske 5 mwa aprè, debòdman dlo a montre anyen pa regle nan kire ravin yo, fouye yo, met gadyon,  ògmante, elaji kabann rivyè yo, degòje kanal, dren yo elatriye. Pwojè laprezidans vip vap sa a, daprè  enfòmasyon  yo  gen 3.5 milya goud k ap depanse nan kad pou pote yon solisyon nan traka popilasyon an sou plan anviwonnman sitou aprè pasaj  siklòn Matye mwa oktòb 2016 pase a. Men okenn moun avize pako wè kisa ki reyalize nan sa ki te anonse yo pou jan laravin, lilet, ravin loran ak madan Sanmi louvri kò yo. Kot bouchonn rivye yo prezidan Moyiz?

Veritab travay la daprè gwoup agwonòm sa a, se anwo pou l fèt – en amont-  olye se travay vide asfalt ak beton- an aval- ki plis sanble ak fasilite sikilasyon nan vil la oubyen anbeli vil la. P ap dire.

Okenn kanpay rebwazman pa deklannche nan tèt mòn yo, yon lane aprè Matye te fin rache yon bon valè ale wè pou ta al fè konsèvasyon sòl ak dlo, kanal kontou, sèy oubyen mi pwoteksyon pou ta koumanse frennen ewozyon an ki lakòz dlo anvayi ri nan sant vil yo, chaje yo ak labou, fatra, tè rapò…

Yo pran egzanp ansyen kou nouvo konsey kominal 3zyèm vil la kite moun bati sou dren, kanal pa netwaye oubyen fè kèk travay alè isit ki montre yo pat fè okenn etid sou yo menm jan ak sa ap fèt la. Se tatonnen y ap tatonnen. Karavàn kèk jou oubyen kèk mwa p ap rezoud pwoblèm yo. Se pito kapital ekonomik, politik, ak sosyal tigwoup zanmitay  k ap  pwofite ògmante.

Teknisyen yo di, yo pa tande anons pwogram serye ki vle poze baz pou yon solisyon dirab san makiyaj. Dayè se sak fè Nasyon Zini pa sispann pale sou objektif dirab devlopman( ODD), mande tèt yo nan ki sans travay k ap fèt la yo mache nan objektif gwo defi chanjman klimatik sa a?

Daprè yo, pou yo ta wè gen yon travay serye k ap fèt se pou Leta ta mete yon bon politik anviwonnman global pou tout peyi a. Se pa yon keksyon fèmen je sou yon depatman louvri sou lòt tandiske sou plan mondyal Ayiti pami peyi ki pi vilneral yo ak keksyon chanjman nati a nan fason gwo peyi yo ap aji.

Malgre gwo desizyon anpil peyi ap pran nan moman grandèt save yo ak klewonnen tè a vin pi cho nan dividal konferans k ap fèt nan mond lan tankou KOP 23 nan Bonn, peyi Almay ki bout jodi 17 navanm nan, otorite pa bò isit p ap prepare pou yo fè fas kare ak pwoblèm sa a. Men pito ap tan èd lè sitiyasyon mangonmen, bay bilan pou yo banbile ak òganizasyon entènasyonal yo sou do mas vilnerab la.

Li ret pou gwo popilasyon an veyatif, kanpe pou otorite yo sispann aji selon pwojè gwo yo men pito selon bezwen abitan nan zòn yo. Popilasyon an dwe goumen pou korije sak dwe korije pou jenerasyon k ap vin la pa viv  sa jenerasyon aktyel sa a ap viv depi plizyè lane si peyi a pa gentan disparèt.

 

Maks- Enmbèr Marslen, VKM 

Ajouter un Commentaire


Code de sécurité
Rafraîchir

OPEN

Saturday - December 16, 2017

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 6 invités et aucun membre en ligne

Podcast radio vkm

 

Rechèch