• [javascript protected email address]

Radyo VKM an dirèk

Kèk disèn patizan ougan Nestor Rolince ak pastè Michelet Michel gonfle douvan pakè tribinal sivil Okay la pou kore lidè pa yo a. Sa rive nan kad pakè a t ap tande 2 pati sa yo ki nan konfli depi environ 15 jou. Se sa radyo Vwa Klodi Mizo konstate bò midi vandredi 17 novanb nan.

Sibtiti komisè gouvènman Yvon Pradel aprè li fin koute tou 2 pati an kesyon yo li voye afè a douvan kabinè denstriksyon. Sibtiti a pran desizyon sa, se anfonksyon sa ougan akize pastè a ki se yon zafè kriminèl ki chita sou ensandi. Kote ougan an deklare pastè a ansanm ak fidèl nan legliz li boule tout sa li posede lakay li nan nannwit 1er louvwi 2 novanb 2017 la.

Yvon Pradel fè remake li pa genyen pou li mete an Kesyon desizyon Jij depè Herold Bauzil te pran kote li pat mete nan prizon pastè a nan dosye sa jan kèk moun nan popilasyon an te panse sa. Li panse nan faz pa li a nan pakè a pa gen flagans kounye a. Li reyalize si sa ta mande pou mete pastè a nan prizon sa rete sou desizyon jij denstriksyon k ap genyen pou mennen ankèt sou akizasyon kriminèl ki tonbe sou do pastè à.

Avoka ougan an ta fè remake yo pa gen anyen pou repwoche sibtiti komisè a nan fason li trete dosye a. Men yo pa dakò ak jij depè a ki te mete li bò kote pastè a nan fason li jere dosye a. E yo anvizaje pote kesyon sa douvan konsèy sipeyè pouvwa jidisyè (CSPJ) pou mete Jij Herold Bauzil nan limit li.

Pastè Michelet Michel ak patizan li yo pat deside pale nan mikwo nou nan moman nou te abòde yo nan pakè a aprè pastè a fenk kite kabinè sibtiti a.

Konsa genyen plizyè patizan ougan ki fè konnen yo satisfè ak fason sibtiti pradel mennen dosye a. Si yo genyen annatandan pou yo kondane nan koze sa se jij depè a.

Yon lòt fwa ankò patizan pastè a aplodi viktwa yo nan lari Okay, aprè pastè Michel te kite pakè a pou li te retounen lakay li.

 

Jean Claudy Aristil

Ajouter un Commentaire


Code de sécurité
Rafraîchir

OPEN

Saturday - December 16, 2017

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 9 invités et aucun membre en ligne

Podcast radio vkm

 

Rechèch