• [javascript protected email address]

Radyo VKM an dirèk

Majistra vil Aken an, kou reprezantan jenn yo pwofite pasaj prezidan  Jovnèj Moyiz nan komin nan jan sa ye chak jedi nan depatman an, nan kad karavàn kout pwen li a, pou ba l veritab bezwen komin Aken an nan okazyon inogirasyon 14 zyèm sant livrezon dokiman idantite ki chita nan direksyon jeneral enpo a, DGI, jedi 9 novanm nan bò midi konsa daprè konsta radyo Vwa Klodi Mizo.

Nan non Konsey Kominal la, majistra Sovilòm Matiren (Sauvilhomme Mathurin) kou Joz Kanbri (Jose Cambry) ki pot pawòl jenn yo pa manke pa montre sa k ap fèt la nan komin nan pa ko rive anbrase bezwen reyel popilasyon an nan sa ki gen pou wè ak pwoblèm  ewozyon, edikasyon, sanitè ak kominikasyon nan komin nan ki gen 2 gwo katye, 10 seksyon kominal ak sant vil la.

Daprè majistra Matiren ki eli anba banyè VERITE, men alye PHTK, di komin nan toutouni. Pa gen wout nan seksyon kominal yo. Sa ki lakoz pa gen koneksyon ant seksyon yo ak vil la. Pa gen ase lekòl piblik nan komin nan,  pa gen lekòl pwofesyonèl, kouran epi ravin Dayiti ak Kodas menm pa sispann inonde vil la lè gen move tan, tankou lè kèk grenn lapli tonbe bwote tè nan mòn yo glise desann, fatra ak labou mete lavi anpil moun andifikilte nan plizye ri kou katye yo nan vil la, elatriye. Li kritike administrasyon Moyiz la ki pa ede l ateri nan komin nan jan kandida/ prezidan an te pwomèt li a.

Joz Kanbri (Jose Cambry) ki pale nan non jenn aken yo, di yo pa pral Pòtoprens kou desann Okay dèyè kèk papye men deklare sitiyasyon jenn yo pa bon nan komin Aken. Jenn yo nan dezawa, pa gen lespwa. Pa gen sant lwazi, kou lekòl pwofesyonel, bibliyotèk kominotè, yon inivesite nan komin nan, omwen ki ta ka ede jenn: Kot defè, Senlwi di Sid, Kavayon, Fondènèg, Fondèblan kontinye pouse ale pi lwen nan etid yo. Kanbri swete dwa jenn  yo sispann vyole nan sans sa a. Li kontinye pou l di lè li tan pou ayisyen sispann al drive ilegal nan peyi etranje ni pou otorite ap mande tanpri souple pwolonje TPS.

 

Pou kèk  obsevatè, sa k ap fèt la, montre prezidan an p ap regle anyen nan peyi a. Kot inogirasyon pou yon kesyon papye idantite pou yon prezidan deplase a? Konbyen moun ki gen batistè nan peyi a? Se yon maskarad anplis. Pouki se pa kesyon kolektivite teritoryal la otorite yo chache met anplas pou devlopman selon bezwen zòn yo?  

Pou jenn gason sa a, tout sa yo antre nan kesyon gagote resous peyi a, nan deplasman sa yo. Daprè li dokiman an se yonn dwa pou chak moun gen dokiman ki pou idantifye l selon kontitisyon 1987 la. Yon dwa kou lòt yo pou moun travay, jwenn manje, al lekòl, jwenn swen sante, lojman, jwi libète lapawòl, gen lwazi elatriye ke otorite yo p ap chache rezoud. Sinon se pa mod politik pese souse pou yon ti ponyen moun ak Leta prive sa a ak kontinye mete anplas.

Li kontinye pou l di, se te yon bon okasyon pou gwo pèp la te manifeste nan komin nan, bare wout la jan sa te fèt premye semenn mwa septanm 2017 pase a nan komin nan kont lavi chè, chomaj kou bibjè kriminèl 2017- 2018 Moyiz/Lafontan mete ak depite, senatè vote nan kò mas yo. Men li bat bravo paske popilasyon an pa fè deplasman vin tande prezidan enkilpe Jovnel Moyiz ak akolite li yo.

Depi lavey vizit la, daprè enfòmasyon yo, sant vil Aken an te chaje ak tout kalite koulè inifòm nan diferan inite nan lapolis la ame jis landan k ap vire tounen nan tout kwen . Tout demonstrasyon bis,machin lapolis sa yo se yon fason pou entimide tout gwoup ki ta vle manifeste jan sa te fèt nan komin nan anvan bidjè koupe souf sa te komanse aplike sa gen yon mwa.

 

Maks- Enmbèr Marslen, VKM

Ajouter un Commentaire


Code de sécurité
Rafraîchir

OPEN

Wednesday - November 22, 2017

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 36 invités et aucun membre en ligne

Podcast radio vkm

 

Rechèch