• [javascript protected email address]

Radyo VKM an dirèk

Sikilasyon an bloke nan vil Okay ak lapli a k ap tonbe a. Vil la plizyè ri inonde pou jounen vandredi 10 oktòb 2017 la, moun yo nan difikilte pou soti nan yon kwen ale nan yon lòt si yo pa ta vle foure pye yo nan dlo. Machin plis motosiklèt ap apante kèk kote dlo a pa twò gonfle pou yo pase. Sa vin fè gen anbouteyaj nan kèk ri kote pasaj la pa fasil. Se sa radyo Vwa Klodi Mizo (VKM) konstate.
Konsa tou nou remake kèk ri karavàn lan ta deja mete beton osinon asfat ta neye anba dlo. Sou baz sa nou ta kapab poze kesyon nan ki pwen koze kiraj vil lan seye, pou jan nou konnen majistra presipal vil la Jean Gabriel Fortuné chèf wonflè ap klewonnen ak voye flè pou tèt li nan radyo fason l ap byen travay.
Depi lè karavàn nan te kòmanse ak travay sa yo, nan kondisyon sa ap fèt, se konsa anpil moun nan popilasyon an te deja opine pou di: Yo pa sèten travay sa ap efikas. Yo kritike responsab yo ki mete asfat yo nan tèren ki abitye genbe dlo, labou. Ak tou kiraj la pa yon kiraj tout bon vre, se kèk ti labou ak fatra responsab yo retire nan rigòl yo. E tou pou ta genyen yon travay seye ki fèt nan sans sa fòk drenaj komin nan ta fèt.
Yo panse travay karavàn nan enskri nan yon majanday politik pou montre y ap fè yon bagay pou komin nan. Men li plis antre nan lojik kote dirijan yo ap bat bouda pèp la pou fè yo dòmi ak pwofite pou blanchi lajan pou afè pèsonèl yo.
Jean Claudy Aristil

Ajouter un Commentaire


Code de sécurité
Rafraîchir

OPEN

Wednesday - November 22, 2017

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 27 invités et aucun membre en ligne

Podcast radio vkm

 

Rechèch