• [javascript protected email address]

Radyo VKM an dirèk

Yon bò Kretyen protestan nan èv yo trete ougan Nestor Rolince kòm dyab jistan nan manifestasyon lespri yo, pastè Michelet Michel ak gwoup fidèl legliz li debake lakay ougan sa nan kwa mati mete dife nan zafè li ki te andan kay li. Sa fè t bò 1nè nan maten mèkredi louvwi jedi 2 novanb 2017 la.

Yon lòt bò jiris yo nan tribinal depè Okay bay pastè Michelet libète pwoviswa pou li parèt devan pakè tribinal sivil la lendi 6 novanb k ap rive la, menm lè se pou zak kriminèl pastè akize. Se vandredi 3 novanb nan jij depè Hérold Bauzil pran desizyon sa nan kad jijman an, san janm di sou ki atik li apiye pou l deside fason sa. Pou rès popilasyon an yo panse nan zak kriminèl yo t ap kenbe akize a nan prizon pou kontinye mennen ankèt yo.

Pastè a te lib elibè pou li te pran lari san problèm pou li te retounen lakay li. E li te genyen yon foul plizyè santèn ki aplodi l, answit akonpaye li mennen l lakay li.

Ougan li menm te andifikilte pou te kite tribinal la pou ale lakay li, koz menas vèbal ki t ap fèt sou li. Kòm kwa dire y ap tann li deyò a pou fè yon jan ak li.

Ougan yo ak manbo yo pa janb byen trete andan peyi dAyiti menm lè konstitisyon Ayisyèn nan ta fè mansyon kèlkanswa endividi a pa dwe pèsekite, ni privileje parapò a yon lòt pou chwa relijyon li. Men nou konstate depi 1960 avèk konkòda de damyen vin jounen jodi a se konsa vodouyizan yo pa janm sispann viktim tout kalite abi, enjistis, diskriminasyon ak prejije andan sosyete a.

Nou pa dwe bliye nou menm, nou menm, nou menm wi. Pitit, pitit pitit nouvo lib ( esklav ) jan kolon yo sèvi ak legliz kretyen, legliz kretyen yo wi pou konsolide lesklavajis, kolonizasyon, eksplatasyon.

Mwen, mwen menm wi. Mwen te kapab tout lòt bagay sof kretyen. Mwen pa engra.

Nan evenman sa k pase a pastè Michel pa t deside di anyen nan mikro nou. Se senpleman Ougan ki manifeste enterè pou sa. Kote li fè remake li pasatisfè jan tribinal la deside a.

 Extrè videyo :

 

 

Jean Claudy Aristil

Ajouter un Commentaire


Code de sécurité
Rafraîchir

OPEN

Wednesday - November 22, 2017

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 32 invités et aucun membre en ligne

Podcast radio vkm

 

Rechèch