• [javascript protected email address]

Radyo VKM an dirèk

Jan sa te prevwa pou lendi 30 oktòb 2017 la, kèk òganizasyon nan Federasyon Òganizasyon Sid/ FOS reyalize premye jou nan seri twa (3) manifestasyon yo gen nan kalandriye yo pou mande komisè gouvènman an Remon Bèjo libere Jean Louis Vilfranche alyas Gwoba ki fèmen nan prizon sivil Okay  depi madi 24 oktòb pase a.

Demare bò 11 zè 15 nan maten, manifestan yo ak foto viktim lan, pankat, bandwòl nou te ka li : < Liberasyon Gwoba ak tout lòt prizonye politik yo>, < Demisyon Bejo san delè>, < Aba Bidjè kriminèl Moyiz /Lafontan>, < Makout p ap tounen> elatriye mach pran lari.

Soti nan ri Divivye Al pase nan savann lan, ri jeneral Maryon, tounen nan Andesonn Douyon, Katajena, Boulva, Demapou… eskòte douvan kou dèyè pa lapolis ki bare kèk wout, pouse manifestan yo san rezistans swiv pakou yo sanble te negosye ak responsab yo anvan manifestasyon koumanse gaye sou plas dam lan kote plizyè manifestan denonse òganzatè yo ki pa rive delivre mesaj yo te di yo pral delivre douvan chèf pakèt jiridiksyon Okay la.  al fini nan lè Lapolis te ba yo midi 45 konsa nan kafou Tirayè a.

Pou manifestan sa yo se yon lòt fo pa FOS fè, pa konprann jès batay alawonyay sa a, anchat pent sa a. Paske ak kisa sa pral itil si yo mache nan kèk ri epi yo pa menm ka rive douvan enstans ki ap bay lòd arete yo, flanke yo prizon andeyò do lalwa poutèt sitwayen yo ap mobilize kont ajisman gonvènman an, 50 tyèm palman an kou pratik gwo ponyèt otorite nan sistèm jistis la, otorite sivil kou lapolis nan komin Okay la.

Pou jan manifestasyon sa a, fèt la, si se konsa FOS ap kontinye woule lit sitwayen yo nan farin nan pa jwenn lekòl pou timoun yo pa rete chita lakay ,pa jwenn travay,swen sante,bon jan lojman,kouran, san konte kouri deyè lavi chè,lamizè ak kont bidjè rache pyèl 2017-2018 la se yo dabò k ap peye move ajisman yo paske nan lit òganizasyon mas yo trèt, machann peyi, raketè pa ladan l.

 

Maks- Enmbèr Marslen, VKM. 

Ajouter un Commentaire


Code de sécurité
Rafraîchir

OPEN

Wednesday - November 22, 2017

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 30 invités et aucun membre en ligne

Podcast radio vkm

 

Rechèch