• [javascript protected email address]

Radyo VKM an dirèk

 

Nan chache konnen kisa otorite loKal ap regle ak revandikasyon lejitim popilasyon an yon bò ak nan kad demokrasi patisipatif nan keksyone eli yo, yon lòt bò. Regwoupman Peyizan Pèleren/RPP, òganize premye rankont li ak yonn nan twa (3) otorite nan konsey Administrasyon Seksyon Kominal/ KASEK, premye seksyon Okay/ Bourdet, nan lokalite Pèleren, dimanch 22 oktòb 2017 la kote radyo Vwa Klodi Mizo te al asiste.

Envitasyon sa yo ant sitwayen nan zòn nan ak otorite lokal yo ap fèt nan lespri pou fouye je gade nan ki pwen revandikasyon popilasyon an ap vanse selon bezwen 10 lokalite anpatikilye ki nan premye seksyon  kou tout rès lokalite ki nan 68 lòt seksyon kominal depatman Sid la..

Inisyativ sa a, daprè prezidan RPP a Jn Robert Charles , ki batize vin rann kont, se pou KASEK/ ASEK vin di abitan yo nan lokalite a kisa y ap regle ak dividal pwoblèm kòm: latrin ki pa gen nan premye seksyon Okay, dlo potab, wout, swen sante, lekòl kalite, sekirite, zouti ak kredi agrikòl, dechèpiyè kou Kasek k ap vòlè bèf yo (13 deja pèdi) san konte otorite k ap vòlè tè oubyen pran tè jaden, mete yo anba beton, elatriye.

Enpisan men konsyan douvan keksyon popilasyon an, kasek Olivye Awòl (Olivier Harold) di tout bagay rezime ak <keksyon Karavàn Chanjman kout pwen> prezidan Jovnèl Moyiz lanse plizyè fwa nan depatman Sid la, depi premye jiyè 2017 pase a.

Pou li, anyen p ap regle vre nan Karavàn lan. Se maskarad, sal figi otorite yo sitou nan seksyon kominal  yo. Kasek Olivye pran egzanp kèk twou dlo ki bouche nan kèk seksyon kominal epi enjenyè Karavàn nan ap di yo fè plizyè kilomèt wout tankou nan Laval ak Tobèk. Tout se manti. Je pèyizan yo byen klere yo wè, vin jwenn gen Kasek ki respekte popilasyon an, tankou l p ap kamoufle moun ki te vote li a.

Li swete popilasyon an frape pye yo, mobilize paske yo menm, kèk kasek deja pote revandikasyon yo ale, ret popilasyon an ki pou kontrent gouvènman an, ministè yo jwe wòl yo komsadwa jan sa dwe fèt yon fason pou soulaje mizè mas yo.

Regwoupman Peyizan Pèleren di l ap kontinye ap pratik responsabilize otorite yo men sitou sansibilize sitwayen yo nan seksyon yo, swete lòt gwoup konsekan pran menm inisyativ sa a, envite otorite yo vin pale ak lokalite pa yo. Tout bagay dwe diskite ak yo epi fèt selon sa yo bezwen yo nan kolektivite a selon manman lwa peyi a, pa jan otorite yo tankou chef wonflè, baboukèt Gabriyel Fortine vle fè l nan pwofi, oubyen nan enterè tigwoup klas boujwa nasyonal kou entènasyonal yo.

Manb Regwoupman an deklare kòm otorite lokal, kominal, depatmantal pran yo pou zonbi, ti mouton anba men malfektè towo Leta sa a, se pou òganizasyon yo regwoupe yo ansanm pou frape kakòn je pye towo gwonde Leta sansi sa a, fèse l atè yon fason pou fini ak jeng sa a. Paske vrè towo a se gwoup k ap òganize yo pou jwenn libète-byennèt papa nasyon an .

 

Maks- Enmber Marslen, VKM.

Ajouter un Commentaire


Code de sécurité
Rafraîchir

OPEN

Wednesday - November 22, 2017

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 26 invités et aucun membre en ligne

Podcast radio vkm

 

Rechèch