• [javascript protected email address]

Radyo VKM an dirèk

Patizan pouvwa Jovenel/Lafontan nan non repons peyizan manifeste pou apiye politik dirijan yo anfas pèp Okay la ki deja leve vwa yo byen wo kont bidjè kriminèl 2017/2018 la nan vil Okay jedi 5 oktòb nan. Manifestasyon an bout bò midi a. Se sa Vwa Klodi Mizo (VKM) konstate.

Manifestan yo te ak pankat, bandwòl ap kriye wi ak enèji, wi ak agrikilti. Non ak fèmti lekòl. Ankò, yo di: chèf wonflè Jn Gabrièl Fortuné majistra prensipal komin Okay, Jovenel Moïse prezidan dAyiti nou avèk ou. Yo envite opozisyon an nan yon deba sou sitiyasyon depatman an 17 oktòb k ap rive la.


Manifestan pouvwa a te genyen tout privilèj pou yo te manifeste nan zòn komèsyal yo, tankou 1er ak 2zyèm granri ak tout sekirite lapolis. E nou konnen otorite yo ansanm ak lapolis toujou entèdi manifestan anfas pouvwa manifeste nan menm zòn komèsyal sa yo. Kote nou konnen lapolis nasyonal dAyiti deja kraze anviwon 5 manifestasyon pou opozisyon an semenn pase yo ki t ap eseye pase nan zòn sa yo.

Polisye Kal ensi koni ansyen chèf sèvis sikilasyon  lè nou te poze li kesyon sou sa. Li fè remake pa gen sa, opozisyon an konn manifeste nan premye gran ri ak 2zyèm gran ri tou...

Manifestansyon sa reyalize nan yon anbyans mizikal. Kote yo te genyen yon fanfan ki akonpaye yo nan tout pakou a.


Nou te remake anpil moun ki te nan mach la yo genyen akwentans pouvwa a deprè ou de lwen, tankou: Moun nan machin ofisyèl k ap sikile devan kou dèyè mach la. Anplaye enstitisyon (TPTC, lameri) ak moun ki jwenn yon ti dyòb nan karavan. Konsa tou nou jwenn tou yon dividal moun yo bwote soti andeyo vide yo nan vil lan.

Pratik sa dirijan Pati Ayisyen Tèt Kale (PHTK) pou rasanble moun, mete moun nan lari a pou kore pouvwa a, sanble tèt koupe ak fason rejim divalyeris la te konn fè sa.

Manif sa fèt anba tout proteksyon responsab yo. San kontrent pou lapolis asepte yo pran beton an. San pèsekite yo nan kote yo vle pase, nan kantite tan yo vle manifeste. San bay yo gaz lakrimojèn. San yon kout wòch pa tire sou yo. San maspinen manifestan osinon kiye yo ak kalòt, kout kas, fèmen nan gadavi, nan depo.

Fason pouvwa la ap chache reziste a vag manifestasyon k ap fèt la kont yo a, se siy ki deja montre yo an feblès. E si yo kontinye konsa sa kapab menm debouche sou depa yo. Genyen kèk gouvènman osinon rejim avan se fason sa li te fini pou yo.



Jn Claudy Aristil

Ajouter un Commentaire


Code de sécurité
Rafraîchir

OPEN

Saturday - December 16, 2017

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 20 invités et aucun membre en ligne

Podcast radio vkm

 

Rechèch