• [javascript protected email address]

Radyo VKM an dirèk

Lapolis nasyonal dAyiti (PNH) nan sid arete anviwon 7 moun nan okazyon 2zyèm jounen manifestasyon kont bidjè 2017/2018 nan, yon platfòm òganizasyon reyalize madi 3 oktòb la nan vil Okay. Se sa Vwa Klodi Mizo (VKM) rache nan bouch kèk moun k ap viv anba sitèn ak nan ri Andèlsonn Douyon ki chita nan katye popilè savann nan, aprèmidi a.

 

Moun yo rakonte se pa 2 matirize fòs de lòd yo matirize kèk nan moun sa yo pandan arestasyon an. Kout kas, kout pye, boure yo nan machin nan avan menm yo rive nan komisaya ak yo. Se yon seri jèn Ki kanpe, chita devan lakay yo k ap swiv manifestan yo k ap riposte ak lapolis epi se yo menm lapolis depoze lapat sou yo nan plas konsène yo.

 

Moun yo akize PNH ki tire nan wotè dòm. Benyen zòn yo ak gaz lakrimojèn. Anplis menase yo ak zam fann fwa.

 

Yo eksplike se yon klima de tèrè polisye yo tabli. Sitiyasyon sa panike prèske tout moun nan zòn yo. Nan nivo yo pat kapab sipòte ankò yo oblije kouri antre nan kay fèmen tout pòt.

 

Lapolis yon lòt fwa ankò anpeche manifestan yo dirije yo nan pakou pa yo. A chak moman yo ta vle franchi premye, dezyèm gran ri lapolis bare devan yo. Fòse yo pase nan yon lòt ri yo pa entèrese. Sitiyasyon sa dekouraje moun yo jistan yo kraze yon kite sa. Se prèske menm konpòtman PNH la genyen nan premye jounen mach platfòm nan lendi 2 oktòb la.

 

Chèf wonflè Jn Gabriel Fortuné majistra prensipal komin Okay la ta deja deklare lagè ak popilasyon komin nan Ki nan leve kanpe kont bidjè kriminèl la depi kèk jou. Apati yon mesaj li adrese paran elèv yo madi 3 oktòb la. Majistra mande pou paran yo ame yo ak manchèt, kouto, pik, wòch lè y ap mennen pitit yo lekòl kont tout vagabon, vagabòn k ap fè manifestasyon ki kontraye pitit yo nan lekòl yo.

 

Konsa tou gen kèk moun ki mete radyo a okouran genyen fòs de lòd yo k ap panike yo nan dènye jou sa yo, k ap mande yo pou idantifye yo sou chimen yo.

 

Genyen 2 jounalis radyo a Vwa Klodi Mizo (VKM) milis gouvènman an nan okay agrese yo nan kad travay yo menm madi a kote y ap kouvri manifestasyon sa k ap fèt la kont bidjè a pandan 2 okazyon. Yon premye fwa yo anpeche kameramann nan Vilarson Bichara kontinye pran imaj, penetre nan savann nan, mande li pou idantifye li san sa y ap kraze kamera. Yon dezyèm tan milis yo toujou akize jounalis Jn Claudy Aristil ansanm ak kameramann nan kòm jounalis k ap bay lòt nouvèl nan plas sa yo jwenn sou tèren an. Y ap di sa avèk yon ton fò, ouvri je yo sou nou, lonje dwèt tou.

 

Komisè Gouvènman Okay nan menm mesaj sa majistra prensipal la adrese a popilasyon an ta deja bay garanti a chèf wonflè a pakè tribinal Okay la pran tout dispozisyon pou akonpaye fòs de lòd yo ak manda nan men pou mache mare tout vwayon k ap òganize manifestasyon pou twouble bon mach kominote a.

 

Sa fè nou sonje ansyen kòmandan tonton makout Mélidor, ansyen prefè fanès Raymond, ansyen lame dAyiti Gedeyon,Granbeta Ipolit ki te genyen prèske menm konpòtman sa yo nan Okay nan lane 86 yo. A chak fwa mas leve kanpe se mache ratibwaze moun yo nan depatman an ak nan komin nan. 


Aprè entèvansyon sa yo ou te kapab konstate vil la sonb. Ki donk se akoz moun yo si tèlman pè pa sikile rete chita lakay yo ak pòt yo fèmen. Li te mèt nenpòt gwo midi. Konsa tou ou jwenn yon pakèt lòt antre nan maron. Nou ta kapab di sa k pase lendi a vin madi a la se prèske menm konsta, kote vil la blenm.

 

Tout sa yo antre nan plan taktik chèf wonflè Gabriel ak rès ekip nan pou tromatize, fè represyon sou popilasyon an, sou defansè dwa moun yo pou yo kapab mete diktati depi kèk tan y ap chache mete sou pye nan komin nan ak depatman sid la

 

Jn Claudy Aristil

Ajouter un Commentaire


Code de sécurité
Rafraîchir

OPEN

Monday - October 16, 2017

Weather: 28°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 7 invités et aucun membre en ligne

Podcast radio vkm

 

Rechèch