• [javascript protected email address]

Radyo VKM an dirèk

Manifestasyon nan okay kont bidjè 2017/2018 la nan lari depi bò 11 zè maten lendi 2 oktòb nan. Depa fèt nan katye popilè savann Okay.

Manifestan yo ap reklame depa prezidan Jovenel Moise. Y ap di aba majistra prensipal la Jn Gabriel Fortuné. Yon fason jeneral fòk otorite yo ale,

Manifestan yo ak pankat, bwanch bra nan men yo, plis yon gwoup mizikal ki rele foul rasta k ap bay animasyon ap reklame antre bidjè kriminèl la, sispann kraze ajoupa pòv yo. Nou ta kapab di se nan yon anbyans kanaval ou ye ki pa twò diferan ak 3 jou gra yo. Si fizik ou pa bon ou pa kapab antre nan foul la  pou swiv pakou a. Paske se nan kouri manifestasyon an ap fèt.

Lapolis nasyonal dAyiti (PNH) nan tèt manifestasyon an pou di w moun yo men kote pou yo pase ak kote yo pa gen dwa fè.

Pou lapolis dakò mach la fèt li te enpoze òganizatè yo nan lavèy mach la, fòk yo pa pase nan zòn komèsyal yo ak tou yo genyen pou yo manifeste soti 10zè nan maten rive nan 1nè aprèmidi. Kantite tan manif nan pa dwe depase plis ke 3zèd tan.

Sa rive gen kèk ti wondondon ant manifestan yo ak PNH pou kesyon pakou an ant kote yo vle pase ak kote PNH ap egzije yo pou pase. Finalman manifestan yo fè kolè antre nan baz yo nan lè midi, mete fen nan manif avan lè 1nè lapolis te bay yo a pou manifeste a.

Sa rive tou aprè manifestan yo fin antre nan baz yo, yo mete kawouchou boule nan savann nan katye popilè y ap viv nan. E nan dènye minit sa yo la aprè 12zè  a la genyen anpil moun k ap kouri, chache abrite kò yo.

Li klè nan zye tout moun otorite yo ansanm ak lapolis itilize yon taktik pou anpeche malere/malerès yo k ap viktim tout kalite move sitiyasyon andan sistèm nan atake dirijan yo, eksplwatè yo, koze yo ki lakoz y ap soufri nan eta yo ye la, depi plis pase 200 lane.

Jis jounen jodi a konstitisyon 1987 la pa limite kantite tan ak defini ki pakou moun yo dwe swiv lè yo ap manifeste.

Jan lapolis ap aji la genyen vyolasyon konstitisyon an ak dwa moun yo pou manifeste. Se yon retou baboukèt nan peyi a lapolis ap mete soupye nan depatman sid nan pi presizeman nan komin Okay la.

 

Jn Claudy Aristil

  

 

Ajouter un Commentaire


Code de sécurité
Rafraîchir

OPEN

Saturday - December 16, 2017

Weather: -273°C

 Winamp, iTunes      Windows Media Player      Real Player      QuickTime

Kiyès ki sou sit la

Nous avons 18 invités et aucun membre en ligne

Podcast radio vkm

 

Rechèch